Don't Miss!
- Sports T20 World Cup: ఆ కుర్రాడికి టికెట్ కన్ఫార్మ్- సెహ్వాగ్
- Finance Railway News: రైలు ప్రయాణికులకు శుభవార్త..! టికెట్ క్యాన్సిలేషన్ ఛార్జీలు తగ్గింపు..
- Lifestyle వేసవిలో కడుపులో చల్లగా ఉంచే కీరకాయ పెరుగుపచ్చడి-అన్నం, రోటీ లేదా చపాతీ దేనికైనా...
- News Ys Jagan Attack case: జగన్ పై రాయి దాడి కేసులో మరో కీలక పరిణామం..!
- Travel ఏపీలోని రైలు ప్రయాణికులకు శుభవార్త..వేసవి ప్రత్యేక రైళ్లు ఆగే స్టేషన్లివే..!
- Technology మే 7 న Apple 'Let Loose' ఈవెంట్! ఏ యే గాడ్జెట్లు లాంచ్ కాబోతున్నాయి? వివరాలు
- Automobiles 'కావ్య మారన్' ఖరీదైన కార్లు ఇవే! ఇక్కడ చూడండి
రాజకీయాలపై రెండో వారంలోచెప్తా: పవన్కల్యాణ్
హైదరాబాద్:ఆదివారం రాత్రి పవన్కల్యాణ్ కార్యాలయం నుంచి ఓ పత్రికా ప్రకటన విడుదలైంది. పవన్కల్యాణ్ తన రాజకీయ ఆలోచనల గురించి ఈ నెల రెండో వారంలో స్వయంగా వెల్లడిస్తారని ఆ ప్రకటనలో తెలియజేశారు. ఆ సందర్భంలో రాజకీయాలపై తనకున్న అభిప్రాయాలనీ, పార్టీ, ఎన్నికల్లో పోటీ గురించి చెప్పబోతున్నారు.
కొంతకాలంగా అన్నయ్య చిరంజీవితో పవన్కల్యాణ్ విభేదిస్తున్నారని కూడా సినీ, రాజకీయ వర్గాల్లో ప్రచారం ఉంది. మహా శివరాత్రి రోజున నాగబాబు కుమారుడు నటించే సినిమా ప్రారంభోత్సవంలోనూ చిరు, పవన్లు మాట్లాడుకోలేదనే విషయం చర్చనీయాంశమైంది. వీటికి తెరదించే ప్రయత్నం ఈ ప్రకటన ద్వారా చేశారు. తమ మధ్య ఎలాంటి మనస్పర్థలు లేవని ప్రకటనలో తెలిపారు. ప్రస్తుతం పవన్కల్యాణ్ తాను నటించే చిత్రాలకు సంబంధించిన కథాచర్చల్లో నిమగ్నమై ఉన్నారని తెలిపారు.
పవన్కల్యాణ్ రాజకీయ రంగ ప్రవేశం చేయబోతున్నారా..! రాజకీయ పార్టీని ఏర్పాటు చేయబోతున్నారా..! లేదా ఇప్పటికే ఉన్న పార్టీలో చేరబోతున్నారా!! ...ఇలాంటి ప్రచారం ఆదివారం ఉదయం నుంచి సోషల్ మీడియాలో విస్తృతంగా సాగింది. పవన్ కల్యాణ్ పార్టీ పేరు, లోగో వివరాలు త్వరలోనే వెల్లడవుతాయని, ఆయన ఎంపీగా పోటీచేస్తారని సామాజిక మాధ్యమం హోరెత్తింది.
పవన్కల్యాణ్ ఓ పార్టీ తరఫున పోటీ చేయబోతున్నారని, లేదంటే ఆయనే స్వయంగా ఓ పార్టీని స్థాపించే ఆలోచన చేస్తున్నారని కొద్ది రోజులుగా ప్రచారం జరుగుతోంది. ఈ వూహాగానాల నేపథ్యంలో.. రాజకీయాలపై తనకున్న అభిప్రాయాల్ని వెల్లడించేందుకు పవన్కల్యాణ్ సన్నద్ధమవుతున్నారు. పవన్కల్యాణ్ తన రాజకీయ ఆలోచనల గురించి ఈ నెల రెండో వారంలో స్వయంగా వెల్లడిస్తారని ఆ ప్రకటనలో తెలియజేశారు.