»   » మేనల్లుడి కోసం పవన్ కళ్యాణ్ వస్తాడా?

మేనల్లుడి కోసం పవన్ కళ్యాణ్ వస్తాడా?

Posted By:
Subscribe to Filmibeat Telugu

హైదరాబాద్: తెలుగులో పాపులర్ సినిమా స్టార్‌గా ఎదిగిన పవన్ కళ్యాణ్ వస్తున్నాడంటే ఎలాంటి కార్యక్రమానికి అయినా భారీ రెస్పాన్స్ వస్తుంది. ఆయన పట్ల ఉండే క్రేజ్‌ను దృష్టిలో ఉంచుకుని ఆయన్ను చాలా మంది పలు కార్యక్రమాలకు ఆహ్వానిస్తుంటారు. ఆ మధ్య తన అభిమాని నితిన్ మూవీ 'గుండెజారి గల్లంతయ్యిందే' చిత్రానికి పవన్ కళ్యాణ్ రావడంతో సినిమాకు భారీగా పబ్లిసిటీ జరిగింది.

పవన్ కళ్యాణ్ మేనల్లుడు సాయిధరమ్ తేజ్ మూవీ 'రేయ్' చిత్రం ఆడియో వేడుక జరుగనుంది. ఈ కార్యక్రమానికి పవన్ కళ్యాణ్ హాజరైన సీడీలను ఆవిష్కరించనున్నట్లు సమాచారం. డిసెంబర్ 8న జరిగే ఈ కార్యక్రమానికి మెగా ఫ్యామిలీ నుంచి చిరంజీవి, రామ్ చరణ్, అల్లు అర్జున్ తదితరులు హాజరయ్యే అవకాశం ఉంది.

బొమ్మరిల్లు వారి పతాకంపై వైవీఎస్ చౌదరి స్వీయ దర్శకత్వంలో 'రేయ్' చిత్రాన్ని నిర్మిస్తున్నారు. షూటింగ్ లేటైనా ట్రేడ్ లో మంచి క్రేజ్ తెచ్చుకున్న ఈ చిత్రం సంక్రాంతి సందర్భంగా జనవరిలో విడుదల చేయటానికి సన్నాహాలు చేస్తున్నారు. షూటింగ్ పార్ట్ పూర్తి చేసుకున్న ఈ చిత్రం ప్రస్తుతం నిర్మాణానంతర కార్యక్రమాలు జరుపుకుంటోంది.

ఈ చిత్రం గురించి వైవీఎస్ చౌదరి మాట్లాడుతూ 'ఇటీవలి కాలంలో యూత్‌ని టార్గెట్ చేస్తూ క్లాస్, ఫాస్ట్‌ఫుడ్ తరహా లవ్‌స్టోరీలు ఎక్కువగా వస్తున్నాయి. అయితే 'దేవదాసు', 'దేశముదురు' తరహాలో భారీ స్థాయి మాస్, యూత్ లవ్‌స్టోరీలు రావడంలేదు. ఆ లోటుని తీర్చేవిధంగా, అన్ని వర్గాల ప్రేక్షకుల్ని ఆకట్టుకునే రీతిలో 'రేయ్' తయారవుతోంది. కథానుగుణంగా ఈ చిత్రం ప్రథమార్థం వెస్టిండీస్ సంస్కృతి నేపథ్యంలో, ద్వితీయార్థం అమెరికా సంస్కృతి నేపథ్యంలో ఉంటుంది.

sai dharam tej

ఎఫ్.డి.సి. నిబంధనలకనుగుణంగా అమెరికా, వెస్టిండస్‌లో కొంత భాగం, హైదరాబాద్‌లో అత్యధిక భాగం షూటింగ్ చేశాం. భారీ నిర్మాణ విలువలు, ఆసక్తికరమైన కథాకథనాలతో పాటు అద్భుతమైన వినోదంతో ఈ సినిమా రూపుదిద్దుకుంది. తొలి సినిమాతోనే సాయిధరమ్ తేజ్ కచ్చితంగా స్టార్ హీరో అవుతాడనే నమ్మకం ఉంది. అలాగే సయ్యామి ఖేర్ తన అందంతో యూత్‌ని ఆకట్టుకుంటుంది. శ్రద్ధాదాస్ పాత్ర ఈ చిత్రానికి హైలైట్‌గా ఉంటుంది. ఇక పాటలన్నీ సందర్భోచితంగా, నాదైన గ్రాండియర్ స్టయిల్‌లో ఆకట్టుకుంటాయి' అని తెలిపారు.

English summary
Power Star Pawan Kalyan is one popular Telugu actor, who has often shied away from attending any public event. Many a time he has even skipped the functions of his own movies. But if we are to go by the latest buzz in the filmnagar, the Tollywood Superstar is all set to grace the music launch of Sai Dharam Tej's upcoming film Rey and unveil the audio CDs of the movie.
Please Wait while comments are loading...