ఇక పవన్ ఫ్యాన్స్‌కు పండుగే.. వకీల్ సాబ్ టీజర్‌పై ప్రకటన.. రికార్డు మోత మోగాల్సిందే!

#8YrsOfGabbarSingh: Then World Wide Box Office Collections, Now Twitter Records

వకీల్ సాబ్ షూటింగ్ పూర్తి..

వకీల్ సాబ్ షూటింగ్ ఇటీవలె పూర్తయిన సంగతి తెలిసిందే. చివరి రోజున పవన్ కళ్యాణ్ తన యూనిట్ సభ్యులతో కలిసి ముచ్చటించాడు. వకీల్ సాబ్ చిత్రయూనిట్‌తో కలిసి సందడి చేస్తూ ఫోటోలకు పోజులిచ్చాడు. ఇక షూటింగ్ పూర్తవ్వడంతో సినిమా విడుదలపై అందరూ ఆసక్తిగా ఎదురుచూస్తున్నారు.

లీకుల బెడద..

వకీల్ సాబ్‌కు మొదటి నుంచి కూడా లీకుల బెడద ఎక్కువైంది. పవన్ కళ్యాణ్ అడుగుపెట్టిన మొదటి రోజే లీకులు కూడా మొదలయ్యాయి. ఇక అప్పటి నుంచి వకీల్ సాబ్ షూటింగ్ జరుగుతున్న లొకేషన్ల నుంచి ఏదో ఒక ఫోటో బయటకు వస్తూనే ఉంది. ఏకంగా యాక్షన్ సీక్వెన్స్, భారీ డైలాగ్‌ల సీన్ కూడా లీకైంది.

స్పెషల్ పోస్టర్లతో రచ్చ..

ఇప్పటికే వకీల్ సాబ్ పాటలు, పోస్టర్లతో నానా రచ్చ చేసింది. క్రిస్మస్ న్యూ ఇయర్ అంటూ స్పెషల్ పోస్టర్‌లతో హంగామా చేసింది. ఇక సంక్రాంతి పండుగ వంతు వచ్చింది. సంక్రాంతి పండుగ అంటే తెలుగు వారికి ఎంత స్పెషల్ అన్నది అందరికీ తెలిసిందే. ఆ స్పెషల్ పండుగను మరింత స్పెషల్ చేసేందుకు వకీల్ సాబ్ వస్తున్నాడు.

సంక్రాంతికి టీజర్..

సంక్రాంతి నాడు వకీల్ సాబ్ టీజర్ రాబోతోందని నిర్మాతలు ప్రకటించారు. జనవరి 14న సాయంత్రం ఆరు గంటల మూడు నిమిషాలకు టీజర్ విడుదల కాబోతోందని తెలిపాడు. ఈ మేరకు విడుదల చేసిన పోస్టర్ ఓ రేంజ్‌లో వైరల్ అవుతోంది.

రికార్డులపై కన్ను..

ఇక అసలే సోషల్ మీడియా రికార్డుల హంగామా ఉండటం లేదు. ఆ మధ్య టీజర్లు, హీరోల బర్త్ డేలు అంటూ పవన్ కళ్యాణ్, ప్రభాస్, మహేష్ బాబు ఫ్యాన్స్‌ సోషల్ మీడియాలో రచ్చచేశారు. ఇక ఇప్పుడు మళ్లీ వకీల్ సాబ్, రాధే శ్యామ్ టీజర్లతో మరోసారి రికార్డుల హోరు, పోరుతో సోషల్ మీడియా వేడెక్కేలా కనిపిస్తోంది.