హార్ట్ ఎటాక్: పూరితో నితిన్ హాట్రిక్ సంబరం (ఫోటోలు)

ఈ వేడుకకు కారణం ఆ ఇద్దరే...

దర్శకుడు పూరి జగన్నాథ్ మాట్లాడుతూ....ఇపుడు జరుగుతున్న ప్లాటినమ్ డిస్క్ ఫంక్షన్‌కి కారణం అనూప్ రూబెన్స్, భాస్కర్ భట్ల. ఈ ఇద్దరూ మంచి మ్యూజిక్, లిరిక్స్ అందించడం వల్లనే ఆడియో ఇంత పెద్ద హిట్టయింది అన్నారు. భాస్కర భట్ల నా సినిమాలకు ఇంకా మరిన్ని మంచి లిరిక్స్ రాయాలని పెన్ కూడా కొనిచ్చాను అన్నారు.

అందరూ హ్యాపీ అంటున్న నితిన్

నితిన్ మాట్లాడుతూ....ఈ సినిమా విజయం సాధించి హ్యాట్రిక్ కొట్టినందుకు చాలా సంతోషంగా ఉంది. సినిమా దర్శక నిర్మాతలు, డిస్ట్రిబ్యూటర్లు, బయ్యర్లు అందరూ చాలా సంతోషంగా ఉన్నారు. పూరి గారు ఈ సినిమాలో నన్ను కొత్తగా చూపించి మాస్ ఇమేజ్ ఇచ్చారు. అనూప్, భాస్కర భట్ల సంగీతం, సాహిత్యం అద్భుతంగా కుదిరింది అన్నారు.

నాకు ఇది స్పెషల్ సినిమా

అనూప్ రూబెన్స్ మాట్లాడుతూ....ఈ చిత్రం నాకు చాలా చాలా స్పెషల్. నితిన్‌తో కలిసి హ్యాట్రిక్ కొట్టాను. భాస్కర భట్ల గారు మంచి సాహిత్యం అందించడం వల్లనే ఇంత బాగా ట్యూన్స్ ఇవ్వగలిగాను. ఆయన ఈ సినిమాకు సింగిల్ కార్డు రాసారు అన్నారు.

భాస్కర భట్ల మాట్లాడుతూ..

పాటల రచయిత భాస్కర భట్ల మాట్లాడుతూ....ఈ సినిమాకు సింగిల్ కార్డు పని చేసినందుకు చాలా ఆనందంగా ఉంది. ఇలాంటి అవకాశం ఇచ్చిన పూరిగారికి థాంక్స్. ఆయనకు ఎటువంటి ఇన్ పుట్ కావాలో చెప్పి మరీ నాతో రాయించుకున్నారు. అనూప్ చక్కని ట్యూన్స్ ఇచ్చారు. ఆడియో, సినిమా హిట్ చేసిన ప్రేక్షకులకు ధన్యవాదాలు అన్నారు.