దాంతో పోలిస్తే మహేష్ బాబు ‘పోకిరి’ పెద్ద ప్లాప్... ఇదేం పోలిక?

పూరి తాజా సినిమాను ఉద్దేశించి

ప్రస్తుతం పూరి జగన్నాథ్ తన కుమారుడు ఆకాష్ పూరి హీరోగా ‘మెహబూబా' చిత్రం తెరకెక్కిస్తున్న సంగతి తెలిసిందే. ఈ సినిమాలోని కొన్ని సీన్లను రామ్ గోపాల్ వర్మ ఇటీవల చూశారట. ఆ సీన్లు చూసిన వెంటనే ట్విట్టర్ ద్వారా స్పందించారు.

పోకిరి చిత్రం పెద్ద ప్లాప్

‘మెహబూబా' సినిమాలోని కొన్ని సన్నివేశాలను చూశాను. ఈ చిత్రంతో పోలిస్తే పూరీ తెరకెక్కించిన ‘పోకిరి' సినిమా పెద్ద ఫ్లాప్. బహుశా హీరో తన కుమారుడే కాబట్టి పూరీ ‘మెహబూబా' సినిమాను ఇంత బాగా తీశారేమో. ఈ సినిమా చాలా బాగుంది' అని ట్వీట్‌ చేశారు.

లవ్ యూ సార్ అంటూ పూరి రిప్లై

రామ్ గోపాల్ వర్మ ట్వీటుకు వెంటనే పూరి రిప్లై ఇచ్చారు. ‘మొదటి సారి నా బాస్‌ నన్ను ఓ మంచి దర్శకుడిగా గుర్తించారు. నా జీవితంలో నేను అందుకున్న గొప్ప ప్రశంస ఇదే. లవ్ యూ సర్‌' అని ట్వీట్‌ చేశారు.

ఇదేం పోలిక?

ఒక సినిమాను గొప్పగా పొగడటానికి మరో సినిమాను కించ పరచడం ఏమిటి అంటూ మహేష్ బాబు అభిమానులు వర్మపై మండి పడుతున్నారు. ‘పోకిరి' సినిమా తెలుగు సినిమా హిస్టరీలో ఎప్పటికీ గుర్తుండి పోయే చిత్రమని, ఈ సినిమా గురించి ఇలాంటి కామెంట్స్ చేయడం తగదని అంటున్నారు.

మెహబూబా

‘మెహబూబా' సినిమా వివరాల్లోకి వెళితే 1971 ఇండో-పాక్ యుద్ధం నేపథ్యంలో లవ్ స్టోరీ. ఈ చిత్రం ద్వారా తన కుమారుడిని ఇండస్ట్రీలో హీరోగా నిలబెట్టేందుకు ప్లాన్ చేస్తున్నాడు పూరి. అందుకే తనే స్వయంగా నిర్మాణ బాధ్యతలు తీసుకున్నారు.