షాకింగ్: హృతిక్ రోషన్ పై పోలీస్ కేసు

ప్రముఖ సంస్థకు బ్రాండ్ అంబాసిడర్

కల్ట్ ఫిట్‌నెస్ అనే ప్రముఖ సంస్థకు బ్రాండ్ అంబాసిడర్‌గా వ్యవహరిస్తున్నారు హృతిక్ రోషన్. ఈ సంస్థ ఫ్రాంచసీ హైదరాబాద్ లోని కూకట్‌పల్లిలో ఉంది. తాజాగా ఈ సంస్థపై ఆరోపణలు చేస్తూ స్థానిక పోలీస్ స్టేషన్‌లో ఫిర్యాదు చేశాడు శశి అనే వ్యక్తి. తాను ఫీజు చెల్లించినప్పటికీ తనకు కేటాయించిన స్లాట్ ఇవ్వటం లేదని శశి అనే వ్యక్తి పోలీసులకు కంప్లైంట్ ఇచ్చాడు.

హృతిక్ రోషన్ పై కేసు నమోదు

ఆ వ్యక్తి ఫిర్యాదును స్వీకరించిన పోలీసులు ప్రాథమిక సమాచారం ప్రకారం జిమ్ సెంటర్‌కు చెందిన కీలకమైన వ్యక్తుల మీద కేసు నమోదు చేశారు. ఈ మేరకు కల్ట్ ఫిట్ నెస్ యజమానులతో పాటు.. ప్రచార బాధ్యతలు నిర్వర్తించిన బాలీవుడ్ నటుడు హృతిక్ రోషన్ పైనా కేసు నమోదు చేశారు.

కోర్టుకు హాజరు కావాల్సిందే

కల్ట్ ఫిట్‌నెస్ యాజమాన్యం కెపాసిటీకి మించి వ్యక్తులను జిమ్ లోకి అనుమతిస్తోందని, ఆ కారణంగా జిమ్ లోని వస్తువుల కొరత ఏర్పడుతోందని శశి ఫిర్యాదు చేశాడు. శశి ఫిర్యాదు మేరకు ఈ కేసును కోర్టుకు పంపించనున్నారు కూకట్‌పల్లి పోలీసులు. చూడాలి మరి ఈ కేసుకు సంబంధించి కోర్టు ఎలాంటి చర్యలు తీసుకుంటుందో!

హైదరాబాద్ చుట్టూ తిరగక తప్పదేమో

సాధారణంగా హైదరాబాద్ అంటే తెలుసేమో గానీ.. అందులో కూకట్‌పల్లి అనే ఓ ప్రాంతం ఉందన్న విషయం హృతిక్ రోషన్‌కి తెలియదేమో! కానీ ఈ కేసు నేపథ్యంలో ఇకపై ఆయన ఈ పేరును తరచూ గుర్తు చేసుకోవాల్సిన అవసరం ఖాయం. అంతేకాదు ఆయన హైదరాబాద్ చుట్టూ తిరగక తప్పదేమో..!