సంజయ్ దత్: ఇరవయ్యేళ్ళకి తనసినిమాలో తానే విలన్ అవుతున్నాడు ?

బాలీవుడ్‌లో కామనైపోయింది

ఒకప్పటి హిట్ సినిమాను రీమేక్ చేయడం, వాటికి సీక్వెల్స్ ప్లాన్ చేయడం బాలీవుడ్‌లో కామనైపోయింది. అలా పాత సినిమాలకు రీమేక్‌గా, సీక్వెల్స్‌గా వచ్చిన సినిమాలు ఆశించిన స్థాయిలో సక్సెస్ సాధించకపోయినా కొందరు మూవీ మేకర్లు మాత్రం తమ పాత సినిమాలకు సీక్వెల్స్ తీయాలనే ఆలోచనలో తలమునకలవుతున్నారు.

"సడక్" దారిలోకి వచ్చింది

అదే క్రమం లో ఇప్పుడు సడక్ కూడా "దారిలోకి వచ్చింది" ఈ చిత్రానికి స్క్రిప్టు వర్క్ జరుగుతున్నప్పటి ఫొటోను షేర్ చేయడం ద్వారా పూజా భట్ బాలీవుడ్లో పెద్ద చర్చ లేవనెత్తింది. ‘సడక్' ఎక్కడ ఆగిందో.. అక్కడి నుంచే ‘సడక్-2' మొదలవుతుందని పూజా తెలిపింది. ఈ సినిమాలో సంజయ్ దత్ కూడా నటిస్తాడని ఆమె హింట్ ఇచ్చింది. దీంతో సంజూ పాత్ర ఎలా ఉంటుందా అన్న ఆసక్తి మొదలైంది.

ఇందులో విలన్ పాత్ర

ఈ సినిమాకు సంబంధించి అందుతున్న ఆసక్తికర సమాచారం ఏంటంటే.. ఫస్ట్ పార్ట్‌లో హీరోగా నటించిన సంజయ్ దత్.. ఇందులో విలన్ పాత్ర పోషిస్తాడట. హీరో హీరోయిన్లు ఎవరన్నది మాత్రం ఇంకా ఖరారు కాలేదు. ఇంకో నాలుగు రోజుల్లో పూర్తి వివరాలు బయటికి వస్తాయట

సరికొత్త రికార్డు

మొత్తానికి సంజయ్ అతని కెరియర్ లో హీరోగా చేసి, దాని సీక్వెల్ లో విలన్ గా చేయడం ద్వారా సరికొత్త రికార్డు సృష్టించడానికి రెడీ అయ్యాడు అని బీ-టౌన్ లో వినిపిస్తున్న మాట. ఒక నటుడు ఒక సినిమాలో హీరోగా నటించి.. దాని సీక్వెల్లో విలన్ పాత్రలో చేయడం అరుదైన విషయమే.