ప్రభాస్‌ని చెంపదెబ్బ కొట్టిన అమ్మాయి.. వైరల్ అవుతున్న సంఘటన!

ప్రభాస్‌ని చూడగానే

ప్రభాస్ ఈ వీడియోలో ఓ ఎయిర్ పోర్ట్ లో కనిపిస్తున్నాడు. అది విదేశాల్లోని విమానాశ్రయంగా కనిపిస్తోంది. అక్కడ ఉన్న ఓ ఇండియన్ యువతి ప్రభాస్ ని చూడగానే సంతోషం పట్టలేకపోయింది. వెంటనే ఫోటో కోసం ప్రభాస్ ని రిక్వస్ట్ చేసింది. ప్రభాస్ తన అభిమానిపై ప్రేమతో ఫొటోకు అంగీకరించాడు. ఫొటోకు ఫోజు ఇస్తున్నప్పుడు కూడా ఆ అమ్మాయి సైలెంట్ గా ఉండలేదు. నవ్వుతూనే ఉంది. ఆ అభిమాని సంతోషాన్ని చూసి ప్రభాస్ కూడా మురిసిపోయాడు.

ప్రభాస్‌ని చెంపదెబ్బ కొట్టి

ఫోటో పూర్తయ్యాక ప్రభాస్ పక్కన నిలబడి సంతోషంతో గంతులేసింది. ఆ అమ్మాయి సంబరం అక్కడితో ఆగిపోలేదు.. వెళుతూ వెళుతూ ప్రభాస్ చెంపై సాఫ్ట్ గా కొట్టేసి వెళ్ళింది. దీనితో ప్రభాస్ మరోమారు నవ్వేశాడు. ఈ వీడియో ప్రస్తుతం సోషల్ మీడియాలో వైరల్ అవుతోంది. అక్కడ ఉన్నది ఒక ఇండియన్ యువతే కాబట్టి సరిపోయింది.. లేకుంటే ప్రభాస్ తన లేడి ఫ్యాన్స్ తో ఉక్కిరిబిక్కిరి అయ్యేవాడు.

సాహో చిత్రంతో

బాహుబలిలో మహరాజులా కనిపించిన ప్రభాస్.. సాహో చిత్రంలో అల్ట్రా స్టైలిష్ లుక్ లో కనిపించబోతున్నాడు. శ్రద్దా కపూర్ ఈ చిత్రంలో ప్రభాస్ కు జోడిగా నటిస్తోంది. ఇటీవల షేడ్స్ ఆఫ్ సాహో పేరుతో రెండవ మేకింగ్ వీడియోని విడుదల చేశారు. ఈ వీడియో మిలియన్ల కొద్దీ వ్యూస్ తో సోషల్ మీడియాలో దూసుకుపోతోంది. కళ్ళు చెదిరేలా యాక్షన్ సన్నివేశాలు ఉండబోతున్నాయనే విషయం ఈ వీడియో ద్వారా అర్థం అవుతోంది.

వరుస చిత్రాలు

మరోవైపు ప్రభాస్ రాధాకృష్ణ దర్శత్వంలో చిత్రాన్ని కూడా ప్రారంభించేశాడు. సాహో చిత్రం ఆగష్టు 15న ప్రేక్షకుల ముందుకు రానుంది. వెంటనే రాధాకృష్ణ చిత్రం కోసం ప్రభాస్ పూర్తి స్థాయి సమయాన్ని కేటాయించనున్నారు. ఈ చిత్రంలో ప్రభాస్ కు జోడిగా పూజా హెగ్డే నటిస్తోంది. యూవీ క్రియేషన్స్ సంస్థే ఈ చిత్రాన్ని కూడా నిర్మించనుంది.