కేరళలో 'బాహుబలి' (కొత్త ఫోటోలు)

బ్లూ మ్యాట్ లో చిత్రీకరణ

ప్రస్తుతం కేరళలలో వేసిన ప్రత్యేక సెట్స్‌లో చిత్రీకరణ జరుగుతోంది. అక్కడే కొన్నీ కీలకమైన సీన్స్ తీస్తారు. అలాగే రామోజీ ఫిల్మ్ సిటీలో సెవెంటీ పర్శంట్ వరకూ షూట్ జరగనున్నట్లు సమచారం. అందులోనూ గ్రాఫిక్స్ ప్రధాన పాత్ర వహిస్తాయని, బ్లూ మ్యాట్ వర్కు బాగా ఉంటుందని తెలుస్తోంది.

కత్తియుద్ధాలు

ఇందులో ప్రధాన పాత్రలు పోషిస్తున్న ప్రభాస్‌, రానా, అడవి శేష్‌ తదితరులు కత్తియుద్ధాలు, గుర్రపుస్వారీలు నేర్చుకొని సెట్‌లోకి అడుగుపెట్టారు. పాత్రలకు తగ్గట్టుగా గుబురు గడ్డం కూడా పెంచారు.

రెండు పాత్రల్లో ప్రభాస్‌?

ఇందులో ప్రభాస్‌ ద్విపాత్రాభినయం చేస్తున్నారు. తెరపై రానా వృద్ధుడిగా కనిపిస్తారని, ఆయనకి తనయుడిగా అడవిశేష్‌ కనిపిస్తారని ఇటీవల వార్తలొచ్చాయి. అయితే సినిమాకి సంబంధించిన ఒక్క అంశాన్ని కూడా బయటకు పొక్కకుండా రాజమౌళి జాగ్రత్తలు తీసుకొంటున్నారు. ప్రభాస్‌ ఈ సినిమాకోసం ప్రత్యేకంగా ఆహారపు నియమాలు పాటిస్తున్నారు. అలాగే ప్రత్యేకంగా జిమ్ లో ట్రైనర్స్ సహాయంతో కండలు పెంచారు. ఈ చిత్రంలో ప్రబాస్ ని చూసి షాక్ అవుతారంటున్నారు.

రాజమాతగా..

‘బాహుబలి' లో రమ్యకృష్ణ కూడా నటిస్తోంది. ఈ సినిమాలో రమ్యకృష్ణ ప్రభాస్, రానాల తల్లిగా నటించనుంది. గతంలో ‘అమ్మోరు' సినిమాలో అమ్మేరు పాత్రలో నటించి అందరిని మెప్పించిన తను రాజసం ఉట్టిపడే ఈ పాత్రకి సరైన న్యాయం చేస్తుందని అందరూ బావిస్తున్నారు. ఈమె పాత్ర నెగిటివ్ టచ్ తో సాగుతుందని సమాచారం.

పార్ట్‌ 2 కూడా...

'బాహుబలి'ని రెండు భాగాలుగా చిత్రీకరించే ప్రయత్నాలు జరుగుతున్నాయని సమాచారం. కథరీత్యా నిడివి కాస్త పెరుగుతుందని తెలియడంతో సినిమాని రెండు భాగాలుగా తీర్చిదిద్దే ప్రయత్నం జరుగుతోందని సమాచారం.

భారీ బడ్జెట్

సుమారు రూ: 150కోట్లతో ఈ చిత్రాన్ని తెరకెక్కిస్తున్నారని సమాచారం. రామోజీ ఫిల్మ్‌సిటీలో భారీ సెట్స్‌ని తీర్చిదిద్ది చిత్రీకరణని జరుపుతున్నారు. ఈ సెట్స్ కే చాలా ఖర్చు అయ్యిందని చెప్తున్నారు. ఇక ఆర్టిస్టులకు ట్రైనింగ్ లు, రెమ్యునేషన్స్ కలిపితే చాలా అవుతుందని భావిస్తున్నారు.

ప్రశంసల వర్షం

కళాదర్శకుడు సాబుసిరిల్‌ ఆధ్వర్యంలో రామోజీ ఫిల్మ్‌సిటీలో భారీస్థాయి సెట్స్‌ తీర్చిదిద్దారు. ఆ సెట్స్‌ని ఈనాడు గ్రూపు సంస్థల ఛైర్మన్‌ రామోజీరావు ప్రత్యక్షంగా పరిశీలించారు. దర్శకుడు రాజమౌళిని, సాబుసిరిల్‌ని అభినందిస్తూ ఓ లేఖ రాశారు. వంద అవార్డులు వచ్చినంత ఆనందంగా ఉందంటూ ఆ లేఖని ట్విట్టర్‌లో పోస్ట్‌ చేశారు రాజమౌళి.

ఆ భాషల్లో కూడా...

తెలుగు, తమిళ, హిందీ, మలయాళ భాషల్లో రూపొందుతున్న ఈ చిత్రాన్ని ఫ్రెంచ్‌, జపనీస్‌, స్పానిష్‌, కొరియన్‌ భాషల్లోకి అనువదించడానికి ఏర్పాట్లు జరుగుతున్నాయి. ఈ చిత్రాన్ని పలు అంతర్జాతీయ చిత్రోత్సవాలకు పంపించే ఏర్పాట్లు జరుగుతున్నట్టు సమాచారం.

సత్యరాజ్...

'బాహుబలి' లో 'కబ్బా' అనే పాత్రలో సత్యరాజ్‌ నటిస్తున్నారని సమాచారం. ఈ పాత్ర కోసం గుర్రపుస్వారీ, కత్తిపోరాటాలపై శిక్షణ తీసుకుంటున్నారని తమిళ సిని వర్గాల సమాచారం. ఈ పాత్ర కోసం ఆయన గుండు గీయించుకున్నారు. గతంలో ఆయన గుండు గీయించుకుని చేసిన చిత్రాలు సూపర్ హిట్టయ్యాయి. . '100వదు నాల్‌'లో విలన్ గా తనదైన నటన ప్రదర్శించి కోలీవుడ్‌ ప్రేక్షకులను ఆకట్టుకున్నాడు. ఆ తర్వాత 'జల్లికట్టు', 'అమైదిపడై', 'మారన్‌'వంటి పలు సినిమాలు చేశారు. వీటి కోసం ఆయన గుండు గీయించుకుని నటించడం విశేషం.

సుదీప్ సూపర్బ్

'బాహుబలి' లో గెస్ట్ రోల్ లో ఓ కథలో ఓ కీలకమైన మార్పుని తెచ్చే పాత్రను సుదీప్ పోషిస్తున్నట్లు సమాచారం. ఈ విషయమై చాలా ఎక్సైట్ మెంట్ తో సుదీప్ ఉన్నారు. ఈ విషయమై సుదీప్ మీడియాతో మాట్లాడుతూ... నేను బాహుబలి చిత్రంలో ఆయుధాల వ్యాపారిగా కనిపిస్తాను. నా పాత్ర పేరు అస్లం ఖాన్. అంతేగాక ఈ చిత్రంలో నాకు సత్యరాజ్ కు మధ్య కత్తి పైట్ సీన్ ఉందని అన్నారు. అలాగే సుదీప్ ట్వీట్ చేస్తూ..." బాహుబలి షూటింగ్ ఖచ్చితంగా ఓ మంచి ఎక్సపీరియన్స్ , చాలా అద్బుతమైన సెట్స్, మంచి టీమ్ , రాజమౌళి గారితో మళ్లీ పనిచేయటం చాలా ఆనందంగా ఉంది. త్వరలోనే మరిన్ని వివరాలతో ట్వీట్ చేస్తాను ." అన్నారు.