మేరీ కోమ్ ఇంట్లో ప్రత్యక్షమైన ప్రియాంక (ఫోటోలు)

మేరీ కోమ్ భర్త, పిల్లలతో కలిసి ప్రియాంక చోప్రా ఇలా ఫోటోలకు ఫోజు ఇచ్చింది. మేరీ కోమ్ జీవితం గురించిన సినిమా కావడంతో ఆమె నడవడికను, అలవాట్లను దగ్గరుండి తెలుసుకుంటోంది ప్రియాంక. అంతే కాకుండా బాక్సింగులో మెళకువలను కూడా నేర్చుకుంటోంది.

అయితే మేరీ కోమ్‌ పాత్రను పోషించడం ఎంత కష్టమో ఆమెకు అర్థమైంది. ఒక సన్నివేశం పూర్తి చేసేసరికి ప్రియాంకకి చేతులు నొప్పిపుడుతున్నాయి. బాక్సింగ్ అనేది చాలా కష్టంతో కూడుకున్న క్రీడ కావడంతో ప్రత్యేకంగా ఫిజియోథెరపిస్ట్ ఆధ్వర్యంలో శిక్షణ తీసుకుంటోంది.

మేరీకోమ్ నిజ జీవితం నుంచి స్ఫూర్తి పొందిన దర్శకుడు సంజయ్‌లీలా భన్సాలీ ఈ చిత్రాన్ని రూపొందించబోతున్నాడు. ఈ చిత్రంలో బాక్సింగ్ కోచ్‌గా మేరీకోమ్ అతిథి పాత్రను పోషించబోతోంది. మేరీకోమ్ జీవితంలోని భిన్న పార్శాల్ని తెలుసుకోవడానికే కొన్ని రోజుల పాటు మణిపూర్‌లో వుండాలని నిర్ణయించుకున్నట్లు ప్రియాంక చోప్రా తెలిపింది.

మేరీ కోమ్ పాత్రను పోషించడం ప్రియాంక తన కెరీర్లో చాలెంజింగ్‌గా తీసుకుంటోంది. ఇందు కోసం చాలా కష్ట పడుతోంది. ఆమె కష్టానికి తగిన ఫలితం దక్కుతుందని ప్రియాంక సన్నిహితులు అంటున్నారు.