Don't Miss!
- News బీఆర్ఎస్కు బిగ్ షాక్.. కాంగ్రెస్ తీర్ధం పుచ్చుకున్న వరంగల్ నగర మేయర్ గుండు సుధారాణి
- Sports SRHకు భయపడి CSK సంచలన నిర్ణయం: ధోనీ మైండ్ గేమ్?
- Finance Stock Market Close: భారీ లాభాల్లో ముగిసిన స్టాక్ మార్కెట్లు..
- Lifestyle హడలెత్తిస్తున్న Bird Flu పాలు,గుడ్లు మరియు చికెన్ తినడం సురక్షితమేనా?మనుషులకూ వ్యాపిస్తుందా..నిపుణులు ఏమంటారు?
- Technology Infinix GT 20 Pro 5G డిజైన్ రెండర్లు లీక్ అయ్యాయి! స్పెసిఫికేషన్ల వివరాలు
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
మరీ ఓవర్ అనిపించటం లేదూ...
ముంబై : సినిమావాళ్లు తన ప్రాజెక్టుకు క్రేజ్ తీసుకురావటం కోసం,పబ్లిసిటీ కోసం చెప్పే మాటలు ఒక్కోసారి చాలా చిత్రంగా అనిపిస్తూంటాయి. రీసెంట్ గా బాక్సింగ్ క్రీడాకారిణి జీవితం ఆధారంగా తెరకెక్కుతున్న చిత్రం 'మేరికోమ్' గురించి చిత్రం దర్శకుడు చెప్తున్న మాటలను బాలీవుడ్ మరీ ఓవర్ గా ఉన్నాయని వ్యాఖ్యానిస్తోంది. రీసెంట్ గా విడుదల చేసిన ట్రైలర్ కి మంచి క్రేజ్ సంపాదించిన ఈ చిత్రం ఇప్పటికే బాలీవుడ్లో ఆసక్తిరేపుతోంది. అయితే దర్శకుడు చెప్పే సినిమా కబుర్లు మాత్రం అతి అనిపిస్తున్నాయంటున్నారు. ఇంతకీ ఇంతలా అతి అనిపించిన వ్యాఖ్యానం ఏమిటీ అంటే...
ఈ చిత్రంలో టైటిల్ పాత్రని ప్రియాంక చోప్రా పోషించింది. వాస్తవ పరిస్థితులకు సాధ్యమైనంత దగ్గరగా ఈ సినిమాని తెరకెక్కించాలని దర్శకుడు ఓమంగ్ భావించారు. ఈ చిత్రంలోని మేరికోమ్ వివాహ సన్నివేశాన్ని రియలిస్టిక్గా చూపించాలనుకున్నారు. అందుకోసం మేరికోమ్ వివాహం రోజున ధరించిన గౌన్ను అడిగి తీసుకొన్నారు. దాని ప్రకారం అలాంటిదే మరో గౌన్ను డిజైన్ చేయించారు. ఇదే విషయాన్ని మీడియాతో చెప్పారు.
దర్శకుడు మాట్లాడుతూ ''సినిమాలోని ప్రతి ఫ్రేమూ వాస్తవికతకు దర్పణం పట్టాలని నా ఉద్దేశం. మేరికోమ్ వివాహ ఘట్టం సినిమాలో కీలకం. ఆమె భర్త ధరించిన సూట్ను డిజైన్ చేయడం పెద్ద కష్టం కాదు. ఆమె గౌన్ను తీర్చిదిద్దడం ఇబ్బంది అయింది. అలాంటి మెటీరియల్ కోసం మా టీమ్ చాలా ప్రయత్నించింది. కానీ దొరకలేదు. అయినా సాధ్యమైనంతవరకు ఒరిజినాలిటీ దగ్గరగా ఉండేలా ప్రయత్నించాం. గౌను కోసం చిత్రీకరణ కొంచెం ఆలస్యమైంది''అని చెప్పారు.
ప్రియాంక మాట్లాడుతూ ''బాగ్ మిల్కా బాగ్'తో ఈ చిత్రాన్ని పోల్చలేం. ఎందుకంటే ఓ క్రీడాకారిణి జీవితం ఆధారంగా తెరకెక్కుతోన్న తొలి చిత్రమిది. క్రీడా చిత్రాల్లో ఓ ట్రెండ్ అనడం ఈ చిత్రాన్ని అగౌరవపరచడమే. దేశం గర్వించదగ్గ చిత్రం'' అని చెప్పింది.
అలాగే...ఈ చిత్రం ఈ చిత్రాన్ని మామూలు రెగ్యులర్ సినిమాల్లా పరిగణించవద్దని ఆమె కోరింది. తన నట జీవితంలో ఈ సినిమాకు కష్టపడినట్లు ఏ సినిమాకూ కష్టపడలేదని తెలిపింది. మేరీ వ్యక్తిత్వాన్ని తెరపై ఆవిష్కరించేందుకు చాలా కష్టపడాల్సి వచ్చిందని తెలిపింది. ఒక సాధారణ వ్యవసాయ కుటుంబం నుంచి వచ్చి క్రీడా ప్రపంచంలో రాణించటమంటే మాటలు కాదని, అటువంటి అద్బుతాన్ని మేరీ సాధించిందని ఆమెను ప్రియాంత పొగడ్తల్లో ముంచెత్తింది.
ఇక ఈ చిత్రంలో మేరిలీ శరారీకృతిని ప్రదర్శించటానికి రోజుకు పదిహేను గంటలు పాటు శిక్షణ పొందాల్సి వచ్చిందని ఆమె చెప్పింది. భాక్సింగ్ లో ప్రవేశించేందుకు మేరీ చాలా ఇబ్బందులు ఎదుర్కొందని, ఆమె తండ్రి భాక్సింగ్ వద్దని కట్టడి చేసినా పట్టుదలగా నేర్చుకుని ప్రపంచస్ధాయిలో మన దేశ కీర్తి పతాకం ఎగిరేలా ఒలింపిక్స్ లో పతకం సాధించిందని వివరించింది. ఈ చిత్రానికి దర్శకుడు ఒమాంగ్ కుమార్. సెప్టెంబర్ ఐదున ఈ చిత్రం విడుదల కానుంది.