కేక పుట్టిస్తున్న ‘రేస్ గుర్రం’ న్యూ పోస్టర్ (ఫోటో)

హైదరాబాద్: అల్లు అర్జున్-శృతి హాసన్ హీరో హీరోయిన్లుగా సురేందర్ రెడ్డి దర్శకత్వంలో తెరకెక్కుతున్న చిత్రం 'రేస్ గుర్రం'. నల్లమలుపు శ్రీనివాస్(బుజ్జి), వెంకటేశ్వరరావు ఈ చిత్రాన్ని నిర్మిస్తున్నారు. తాజాగా విడుదలైన ఈ చిత్రం పోస్టర్ సినిమాపై అంచనాలు పెంచుతోంది. మరోసారి బన్నీ మాస్ పెర్ఫార్మెన్స్‌తో ఆకట్టుకోబోతున్నాడని ఈ పోస్టర్ చూస్తే స్పష్టమవుతోంది.

ముందుగా అనుకున్న ప్రచారం ఈ సినిమా ఆడియో ఈ రోజు విడుదల కావాల్సి ఉండగా...ఇదే రోజు పవన్ కళ్యాణ్ కొత్త పార్టీ ఆవిర్భావ సభ ఉండటంతో 16వ తేదీకి ఆడియో విడుదల వాయిదా వేసారు. ఈ సినిమా థమన్ సంగీతాన్ని అందిస్తున్నాడు. శృతి హసన్, సలోని హీరోయిన్స్ గా నటిస్తున్న ఈ సినిమా కామెడీ ఎంటర్టైనర్ గా తెరకెక్కుతోంది.

కోట శ్రీనివాసరావు, సుహాసిని మణిరత్నం, ప్రకాష్‌రాజ్, అలీ, ఎమ్మెస్ నారాయణ, రఘుబాబు, ముఖేష్‌రుషి, ఆశిష్ విద్యార్థి, నవాజ్ సోనూ తదితరులు ఇతర పాత్రలు పోషిస్తున్న ఈ చిత్రానికి రచన: వక్కంతం వంశీ, కెమెరా: మనోజ్ పరమహంస, సంగీతం: ఎస్.తమన్, కూర్పు: గౌతంరాజు, నిర్మాతలు: నల్లమలుపు శ్రీనివాస్(బుజ్జి), డా.కె.వెంకటేశ్వరరావు, నిర్మాణం: శ్రీలక్ష్మీనరసింహా ప్రొడక్షన్స్.