లారెన్స్‌ 'పటాస్ ' రీమేక్ ప్రారంభం(ఫొటోలు)

హైదరాబాద్‌: రాఘవా లారెన్స్‌ కీలక పాత్రలో నటిస్తున్న 'మొత్త శివ కెత్త శివ' అనే కొత్త చిత్రం షూటింగ్‌ ప్రారంభమైంది. ఈ విషయాన్ని లారెన్స్‌ తన అధికారిక ఫేస్‌బుక్‌ ఖాతా ద్వారా తెలుపుతూ... కొన్ని ఫొటోలను అభిమానులతో పంచుకున్నారు.

ఈ చిత్రం కోసం మొదటిసారిగా నటుడు సత్యరాజ్‌తో కలిసి పనిచేయడం సంతోషంగా ఉందంటూ పేర్కొన్నారు. ఈ చిత్రం ఫస్ట్‌లుక్‌ను లారెన్స్‌ జన్మదినం సందర్భంగా విడుదల చేసిన సంగతి తెలిసిందే.

రీసెంట్‌గా రిలీజైన 'గంగ' సినిమాతో మళ్ళీ సక్సెస్ ట్రాక్‌లోకి వచ్చిన లారెన్స్ ఇప్పుడు వరుసగా సినిమాలు చేసే పనిలో పడ్డాడు. అందులో భాగంగానే తెలుగులో విజయం సాధించిన 'పటాస్' తమిళ రీమేక్‌కు గ్రీన్ సిగ్నల్ ఇచ్చిన సంగతి తెలిసిందే. సూపర్ గుడ్ ఫిలిమ్స్ బ్యానర్‌లో ఆర్.బి. చౌదరి నిర్మించే ఈ సినిమాకు సాయి రమణి దర్శకత్వం వహిస్తున్నారు.

ఈ రోజు నుండి తమిళ రీమేక్ సెట్స్ పైకి వెళ్ళబోతోంది. 'మొట్ట శివ కెట్ట శివ' పేరుతో నిర్మితమౌతున్న ఈ సినిమాలో 'పటాస్'లో సాయికుమార్ పోషించిన పాత్రను సత్యరాజ్ తమిళంలో చేయబోతున్నాడు.