హోమ్

న్యూస్

రాజ్‌ తరుణ్ హీరోగా రాబోతున్న కొత్త సినిమా 'ఒరేయ్ బుజ్జిగా...'. కొండా విజయ్ కుమార్ దర్శకత్వం వహిస్తున్న ఈ చిత్రంలో మాళవిక నాయర్ హీరోయిన్ గా నటిస్తోంది. యూత్‌ఫుల్ ఎంటర్‌టైనర్‌‌గా ప్రేక్షకుల ముందుకు రాబోతున్న ఈ సినిమా ఫ‌స్ట్‌లుక్ ఇటీవలే విడుదలై మంచి స్పందన తెచ్చుకుంది. ఉగాది కానుకగా మార్చి 25న ఈ సినిమాను విడుదల చేస్తున్నట్లుగా తాజాగా ప్రకటించారు.

ఈ సందర్భంగా చిత్ర నిర్మాత కె.కె.రాధామోహన్‌ మాట్లాడుతూ.. ''మా 'ఒరేయ్ బుజ్జిగా...' ఫస్ట్ లుక్ పోస్టర్‌కి మంచి రెస్పాన్స్ వ‌స్తోంది. రాజ్‌ తరుణ్‌‌కి తగిన యూత్ అండ్ ఫ్యామిలీ ఎంటర్టైనర్ సినిమా ఇది. మా బేన‌ర్‌లో 'ఏమైంది ఈ వేళ', 'అధినేత', 'బెంగాల్ టైగర్', 'పంతం' వంటి సూపర్ హిట్ చిత్రాల తర్వాత వస్తున్న మరో సూపర్ హిట్ మూవీ ఇది. రాజ్ తరుణ్, కొండా విజయ్ కుమార్, అనూప్ రూబెన్స్‌లకు త‌ప్పకుండా మంచి కమర్షియల్ సినిమా అవుతుంది" అన్నారు.

శ్రీమతి లక్ష్మీ రాధామోహన్‌ సమర్పణలో శ్రీసత్యసాయి ఆర్ట్స్‌ పతాకంపై కె.కె.రాధామోహన్‌ 'ఒరేయ్ బుజ్జిగా...' చిత్రాన్ని నిర్మిస్తున్నారు. చిత్రంలో హెబ్బా పటేల్, వాణీ విశ్వనాథ్‌, నరేష్‌, పోసాని కృష్ణమురళి, అనీష్‌ కురువిళ్ళ, సప్తగిరి, రాజా రవీంద్ర, అజయ్‌ ఘోష్‌, అన్నపూర్ణ, సిరి, జయలక్ష్మి, సోనియా చౌదరి, సత్య, మధునందన్‌ తదితరులు ముఖ్యపాత్రలు పోషిస్తున్నారు. అనూప్‌ రూబెన్స్‌ సంగీతం సమకూరుస్తున్నారు.