దయచేసి ‘బాహుబలి-2’ అడ్డుకోవద్దు, నష్టపోతాం: రాజమౌళి (వీడియో)

రాజమౌళి పోస్టు చేసిన వీడియో ఇదే..

కర్నాటకలో సినిమా విడుదల ఆగిపోతే దాదాపు రూ. 20 నుండి 30 కోట్ల మేర నష్టం వచ్చే అవకాశం ఉంది. అందుకే రాజమౌళి స్వయంగా రంగంలోకి దిగి ఆందోళన కారులను శాంతింపచేసే ప్రయత్నం చేసారు.

ఇదీ వివాదం

ఈ వివాదానికి కారణం కావేరీ జలవివాదం. బాహుబలి-2 మూవీలో నటించిన సత్యరాజ్ ఈ వివాదానికి సంబంధించి గతంలో కన్నడిగులను అవమానించే విధంగా కామెంట్స్ చేసారని, ఇపుడు ఆయన క్షమాపణలు చెప్పాలని, లేకుంటే ఆయన నటించిన బాహుబలి-2 సినిమా విడుదలను అడ్డుకుంటామని కన్నడ నాయకులు హచ్చరిస్తున్నారు.

బాహుబలి-2 పెద్ద సినిమా కావడం వల్లనే

9 ఏళ్ల క్రితం సత్యరాజ్ కామెంట్స్ చేసిన తర్వాత చాలా సినిమాలు వచ్చాయి. బాహుబలి పార్ట్ 1 కూడా రిలీజైంది. అప్పుడు ఎలాంటి వివాదం లేదు. ఇపుడు సడెన్ గా తెరపైకి వివాదం రావడానికి కారణం బాహుబలి భారీ బడ్జెట్ సినిమా కావడమే.

క్షమాపణ చెప్పిస్తే అక్కడ సమస్య

ఒక వేళ సత్యరాజ్ కన్నడిగులకు క్షమాపణ చెబితే తమిళనాడులో ఆయనకు కావేరి సెగ తగులే అవకాశం ఉంది. సత్యరాజ్ క్షమాపణ చెబితే తమిల ప్రేక్షకులు, ప్రజలు ఆయనపై వ్యతిరేకత పెంచుకునే అవకాశం ఉంది.