బాహుబలి-2 భారీ విజయంపై..... రాజమౌళి ట్వీట్స్, కేటీఆర్ కు థాంక్స్

‘బాహుబలి-2’ బాక్సాఫీసు వద్ద భారీ విజయం సాధించిననేపథ్యంలో దర్శకుడు రాజమౌళి స్పందించారు. ట్విట్టర్ ద్వారా అభిమానులకు కృతజ్ఞతలు తెలిపారు.

By Bojja Kumar

Published: Sunday, April 30, 2017, 16:07 [IST]

హైదరాబాద్: రాజమౌళి దర్శకత్వంలో తెరెక్కిన 'బాహుబలి-2' సూపర్ హిట్ టాక్ తో సంచలన విజయం దిశగా దూసుకెలుతోంది. తొలి రోజే ప్రపంచ వ్యాప్తంగా రూ. 150 కోట్లకు పైగా వసూలు చేసింది. ఫస్ట్ డే ఓపెనింగ్స్ విషయంలో ఇండియాలో ఇదే రికార్డ్.

'బాహుబలి-2' బాక్సాఫీసు వద్ద భారీ విజయం సాధించిననేపథ్యంలో దర్శకుడు రాజమౌళి స్పందించారు. ట్విట్టర్ ద్వారా అభిమానులకు కృతజ్ఞతలు తెలిపారు. బాహుబలి సినిమా బావుందంటూ ట్వీట్స్ చేసిన మహేష్ బాబు, ధనుష్ లాంటి సెలబ్రిటీలకు, తెలంగాణ మంత్రి కేటీఆర్ లకు రిప్లై ఇస్తూ రాజమౌళి థాంక్స్ చెప్పారు.

కేటీఆర్

బాహుబలి-2 మూవీ హాలీవుడ్ లెజండరీ మూవీ బెన్ హర్, టెన్ కమాండెంట్స్ రేంజిలో ఉందని కేటీఆర్ ట్వీట్ చేసారు. దీనికి రాజమౌళి రిప్లై ఇస్తూ ఆనందం వ్యక్తం చేసారు.

ఆటంకాలు సహజమే

‘బాహుబలి' లాంటి బిగ్ ప్రాజెక్ట్ చిత్రాలు విడుదల సమయంలో ఆటంకాలు కలగడం సహజమే. అయితే, మా చిత్ర యూనిట్ పై ఎంతో ప్రేమ చూపి, మద్దతు ఇచ్చిన బాహుబలి ఫ్యాన్స్ కారణంగానే వాటిని అధగమించగలిగాము... అని రాజమౌళి ట్వీట్ చేసారు.