హోమ్

న్యూస్

హైదరాబాద్‌: మన సినీ పరిశ్రమలో ఇంతకు ముందేన్నడూ లేని భారీ సాంకేతిక పరిజ్ఞానంతో, భారీ బడ్జెట్‌తో రూపొందించిన చిత్రం 'బాహుబలి'. 'బాహుబలి' చిత్రంలో ఉపయోగించిన అద్భుతమైన వీఎఫ్‌ఎక్స్‌ ఎఫెక్ట్స్‌ ను ఉపయోగించిన సంగతి తెలిసిందే. వీటిని రూపొందించిన తీరును చిత్ర దర్శకులు ఎస్‌ఎస్‌రాజమౌళి అభిమానులతో పంచుకున్నారు.

మకుత అనే సంస్థ ఈ చిత్రంలో 50 శాతం కన్నా ఎక్కువ విజువల్‌ ఎఫెక్ట్స్‌ని రూపొందించింది. ఈ చిత్రానికి ఇంత భారీ హంగులు వచ్చింది ఈ విజువల్‌ గ్రాఫిక్స్‌ వల్లే. ఈ విభాగంలో పని చేసిన వారికి దర్శకులు రాజమౌళి కృతజ్ఞతలు తెలిపారు. ఈ మేరకు ఆయన ఓ వీడియో రిలీజ్ చేసారు.

ఫేస్‌బుక్ ద్వారా లేటెస్ట్ అప్‌డేట్స్ ఎప్పటికప్పుడు

ఇక ప్రపంచవ్యాప్తంగా తెలుగు,తమిళ, హిందీ, మళయాళ భాషల్లో రిలీజై సూపర్ హిట్ టాక్ తెచ్చుకున్న చిత్రం 'బాహుబలి'. ఈ చిత్రం ఇప్పుడు ఇంటర్నేషనల్ వెర్షన్స్ పై దృష్టి పెట్టింది. అందులో భాగంగా చైనీస్, ఇంగ్లీష్ భాషల్లో విడుదల చేయటానికి సన్నాహాలు చేస్తున్నారు.

ఇంటర్నేషనల్ మార్కెట్లో మినిమం వంద కోట్లు సంపాదించాలని టార్గెట్ చేసినట్లు చెప్తున్నారు. ఈ మేరకు ఇంటర్నేషనల్ ప్రేక్షకులు చూడటం కోసం ప్రస్తుతం ఎడిటింగ్ వర్క్ జరుగుతున్నట్లు తెలుస్తోంది. అలాగే ఆ ప్రేక్షకులను అందుకోవాలంటే... అంతర్జాతీయ నిపుణులతో ముందుకు వెళ్లాలని నిర్ణయించింది. అందులో బాగంగా...హాలీవుడ్ చిత్రాలకు పనిచేసిన Vincent Tabaillon అనే ఎడిటర్ ని ఎంపిక చేసారు.

ఈ చిత్రం విడుదలైన అన్ని భాషల్లోనూ కలెక్షన్‌లలో కొత్త రికార్డులు సృష్టిస్తోంది. ఈ నేపధ్యంలో ఈ చిత్రం VFX ఎఫెక్టుల గురించి అంతటా చర్చ జరుగుతోంది.