Peddhanna Twitter Review: మూవీకి అస్సలు ఊహించని టాక్.. అదొక్కటి తప్ప అంతా తుస్సే.. అందరిలో అదే డౌట్

‘పెద్దన్న’గా వచ్చిన రజనీకాంత్

శివ డైరెక్షన్‌లో సూపర్ స్టార్ రజినీకాంత్ నటించిన చిత్రం 'అన్నత్తే'. దీన్ని తెలుగులోకి 'పెద్దన్న' టైటిల్‌తో తీసుకొచ్చారు. ఈ చిత్రాన్ని సన్ పిక్చర్స్ బ్యానర్‌పై కళానిధి మారన్ నిర్మించారు. ఇందులో నయనతార హీరోయిన్‌ కాగా.. మీనా, ఖుష్బూ, కీర్తి సురేష్, జగపతి బాబు, ప్రకాష్ రాజ్ కీలక పాత్రల్లో నటించారు. ఇమ్మాన్ ఈ సినిమాకు సంగీత సమకూర్చారు.

భారీ అంచనాలతో.. గ్రాండ్ రిలీజ్

చాలా గ్యాప్ తర్వాత రజినీకాంత్ నటిస్తోన్న కుటుంబ కథా చిత్రం కావడంతో 'అన్నత్తే'పై ఫ్యాన్స్‌తో పాటు ప్రేక్షకుల్లో భారీ అంచనాలే ఉన్నాయి. అందుకు అనుగుణంగానే దీన్ని ఎంతో గ్రాండ్‌గా తెరకెక్కించారు. ఇక, దీని నుంచి వచ్చిన పోస్టర్, పాటలకు భారీ స్థాయిలో రెస్పాన్స్ వచ్చింది. దీంతో ప్రపంచ వ్యాప్తంగా దీన్ని భారీ స్థాయిలో విడుదల చేయాలని ప్లాన్ చేశారు.

పెద్దన్న మూవీకి ఊహించని టాక్

రజినీకాంత్ నటించిన 'అన్నత్తే' / 'పెద్దన్న' మూవీ ఎన్నో అంచనాలతో దీపావళి కానుకగా నవంబర్ 4న ప్రేక్షకుల ముందుకు వచ్చింది. ఇప్పటికే ఈ సినిమా ఓవర్సీస్‌లో ప్రీమియర్ షోలు కూడా పూర్తి చేసుకుంది. అలాగే, తమిళనాడులో స్పెషల్ షోలు కూడా పడిపోయాయి. ఇక, ప్రదర్శితం అయిన చోట్ల నుంచీ ఈ చిత్రానికి ఊహించని విధంగా నెగెటివ్ టాక్ వస్తోంది.

ఫస్టాఫ్ అలా... సెకెండాఫ్ మరోలా

ఎన్నో అంచనాలతో ప్రేక్షకుల ముందుకు వచ్చిన 'అన్నత్తే' / 'పెద్దన్న' మూవీ ఫస్టాఫ్ మొత్తం మాస్ యాక్షన్‌తో ఉంటుందట. అలాగే సిస్టర్ సెంటిమెంట్‌ను కూడా బాగా హైలైట్ చేసి చూపించారట. ఇంటర్వెల్‌లో ఓ ట్విస్ట్‌తో ఉంటుందని ప్రేక్షకుల చెబుతున్నారు. కానీ, సెకెండాఫ్ మాత్రం ఫైట్స్ ఫైట్స్ ఫైట్స్‌తో సాగుతూ ప్రేక్షకుల ఓపికకు పరీక్ష పెట్టేలా ఉందట.

సినిమా ప్లస్... మైనస్ పాయింట్లు

సూపర్ స్టార్ రజినీకాంత్ నటించిన 'అన్నత్తే' / 'పెద్దన్న' మూవీలో రజినీకాంత్ ఎనర్జిట్ యాక్షన్, ఇమ్మాన్ అందించిన బ్యాగ్రౌండ్ స్కోర్ మాత్రమే బాగున్నాయని ప్రేక్షకులు చెబుతున్నారు. ఇక, పాత కాలం నాటి కథ, శృతి మించిన సెంటిమెంట్‌, లాజిక్ లేని సన్నివేశాలు, ఓవర్ ఫైట్స్ ఈ సినిమాకు మైనస్‌గా మారాయని సినిమాను చూసిన వాళ్లంతా అంటున్నారు.

మొత్తంగా మూవీ ఎలా ఉందంటే

'అన్నత్తే' / 'పెద్దన్న' మూవీని ఇప్పటి వరకూ చూసిన వాళ్లంతా చెబుతోన్న దాని ప్రకారం.. ఇది కూడా రజినీకాంత్‌కు నిరాశనే మిగిల్చిందట. మరీ ముఖ్యంగా సూపర్ స్టార్ క్రేజ్‌తో నెగ్గుకు రావొచ్చన్న ప్రయత్నం పూర్తిగా విఫలమైందట. దాదాపు రెండున్నర గంటలకు ప్రేక్షకులకు పరీక్ష పెట్టేలా ఉందట. అయితే, రజినీకాంత్ అభిమానులకు మాత్రం ఇది నచ్చుతుందట.

Recommended Video

Best Telugu TV Serials In 2020 | కార్తీక దీపం హవా..!!

అందరిలో అదొక్కటే సందేహం

క్రేజీ కాంబినేషన్‌లో వచ్చిన 'అన్నత్తే' / 'పెద్దన్న' మూవీని చూసిన వాళ్లంతా ఓ అంశాన్ని తెరపైకి తీసుకొస్తున్నారు. అదే ఈ సినిమా కథ. అవును.. దీన్ని చూసిన తర్వాత అసలు ఇది ఇప్పటి కథేనా? లేక ఎప్పుడో రాసుకున్న దాన్ని ఇప్పుడు తీశారా? అని సందేహాలు వ్యక్తం చేస్తున్నారు. అంతలా ఇది 80 దశకం నాటి సినిమాలా సాగుతుందని కామెంట్లు చేస్తున్నారు.