»   » అనుష్క, సోనాక్షిలతో రజనీకాంత్ సంచలనం ‘లింగా’

అనుష్క, సోనాక్షిలతో రజనీకాంత్ సంచలనం ‘లింగా’

Posted By:
Subscribe to Filmibeat Telugu

హైదరాబాద్: ఈ వయసులోనూ హీరోగా ఇరగదీస్తున్న తమిళ స్టార్ హీరో రజనీకాంత్ మరో సంచలన చిత్రానికి రెడీ అవుతున్నారు. కెఎస్ రవికుమార్ దర్శకత్వంలో తెరకెక్కబోయే ఈ చిత్రానికి 'లింగా' అనే టైటిల్ పరిశీలిస్తున్నట్లు తెలుస్తోంది. దీనికి సంబంధించి ప్రీ ప్రొడక్షన్ పనులు శరవేగంగా జరుగుతున్నాయి. మే లేదా జూన్‌లో సెట్స్‌పైకి వెళ్లబోతోందని తెలుస్తోంది.

ఈ చిత్రంలో రజనీకాంత్ ద్విపాత్రాభినయం చేస్తున్నారని, అనుష్క, సోనాక్షి సిన్హా హీరోయిన్లుగా ఎంపికైనట్లు సమాచారం. మరో ఆసక్తికర విషయం ఏమిటంటే తెలుగు నటుడు జగపతి బాబు ఈ చిత్రంలో విలన్ పాత్ర చేయబోతున్నారట. బాలీవుడ్ సినీ నిర్మాణ సంస్థ ఈరోస్ ఇంటర్నేషనల్ దాదాపు రూ. 200 కోట్ల బడ్జెట్‌తో భారీగా తెరకెక్కించేందుకు ప్లాన్ చేస్తున్నట్లు తెలుస్తోంది. త్వరలో ఈ సినిమాకు సంబంధించిన వివరాలు అపీషియల్‌‌గా వెల్లడి కానున్నాయి.

Rajinikanth's film with KS Ravikumar titled Linga!

మరో వైపు రజనీకాంత్ నటించిన 'కొచ్చాడయాన్' చిత్రం విడుదలకు సిద్ధమవుతోంది. ఈ చిత్రాన్ని ప్రధానంగా తమిళం, తెలుగు, హిందీ బాషలతో పాటు ఇతర బాషల్లోనూ రిజలీ చేస్తున్నారు. తెలుగులో ఈచిత్రం 'విక్రమసింహ' పేరుతో విడుదల కానుంది. 'విక్రమ సింహ' చిత్రం రాజుల నాటి కథాంశంతో తెరకెక్కిన సినిమా. రజనీ కూతురు ఐశ్వర్య ఆర్ అశ్విన్ ఈ చిత్రానికి దర్శకత్వం వహించారు.

కెఎస్ రవి కుమార్ స్క్రిప్టు అందించారు. పాండ్య సామ్రాజ్య రాజు కొచ్చాడయాన్ రణధీరన్ స్టోరీ ఇన్స్‌స్పిరేషన్‌గా ఈ చిత్రాన్ని తెరకెక్కించారు. రజనీకాంత్-దీపిక పదుకోన్ జంటగా నటించిన ఈ చిత్రం దాదాపు రూ. 125 కోట్ల బడ్జెట్ ఖర్చు చేసారు. దీపిక పదుకోన్, జాకీష్రాఫ్, శరత్ కుమార్, శోభన, ఆది, నాజర్ తదితరులు ముఖ్యమైన పాత్రలు పోషించారు.

English summary
Rajinikanth will next team up with KS Ravikumar and as per latest reports ‘Linga’ is title under consideration for the film. Sonakshi Sinha and Anushka Shetty are heroines and Jagapathi Babu will be seen as antagonist.
Please Wait while comments are loading...