ఆ పాత్ర వయస్సు 324 ఏళ్లు : ఆసక్తి గొలుపుతున్న "రాబ్తా"

324 ఏళ్ల వృద్ధుడిలా

ఇప్పుడీ పాత్ర కి సంబందించిన ఒక ఫొటో ఇంటర్నెట్లో విపరీతంగా పాపులర్ అయ్యింది. ‘రాబ్తా' సినిమా కోసం రాజ్‌ కుమార్‌ రావ్ ను 324 ఏళ్ల వృద్ధుడిలా మార్చేశారు. ఈ పాత్ర పోషించే నటుడి కోసం 16 మందికి స్క్రీన్ టెస్టు నిర్వహించగా రాజ్ కుమార్ రావ్ ను ఫైనల్ చేశారు.

మేకప్ కోసమే ఆరుగంటలు

రోజూ ఆరుగంటల సమయం కేవలం మేకప్ కోసమే పడుతుండగా, 324 సంవత్సరాల వయసుతో ఉన్న పోటోను తన ట్విట్టర్ లో పోస్ట్ చేసి మరి తానే చెప్పాడంటే అర్థం చేసుకోండి ఎవరూ గుర్తు పట్టని విధంగా ఉన్నాడో. అయితే రాబ్తా సినిమాలో కృతి సనన్, సుషాంత్ సింగ్ రాజ్‌పుత్ జంటగా నటిస్తున్నారు. రీసెంట్ గా ఈ సినిమా ట్రైలర్ కూడా విడుదలైంది.

జూన్‌ 9న

జూన్‌ 9న ప్రేక్షకుల ముందుకు రానున్న ఈ సినిమా ట్రైలర్ టాలీవుడ్ లో సూపర్ హిట్ అయిన 'మగధీర' సినిమాను గుర్తుకు తెస్తోందన్న విమర్శౌంది.అయితే ఈ సినిమాకు సంబంధించిన ఇతర విషయాలు మాత్రం ఇప్పటి వరకు బహిర్గతం కాకుండా చిత్ర బృందం జాగ్రత్త పడుతోంది.

రొమాంటిక్ సీన్లు

ఇక సినిమాలో సుశాంత్ సింగ్ రాజ్‌పుత్, కృతి సనన్ మధ్య రొమాంటిక్ సీన్లు, ముద్దు సన్నివేశాలు జోరుగా ఉన్నట్లు స్పష్టమవుతోంది. ఇంత హాటుగా, ఘాటుగా కృతిసనన్ గతంలో ఎప్పుడూ, ఏ హీరోతోనూ రొమాన్స్ చేయలేదు. 'రబ్‌తా' చిత్రానికి దినేష్ విజన్ దర్శకత్వం వహించగా, జూన్ 9న ఈ సినిమాను రిలీజ్ చేయడానికి సన్నాహాలు చేస్తున్నారు.

24 గంటల్లో కోటిపైగా హిట్స్

అదేసమయంలో రెండు నిమిషాల నిడివిగల ఈ వీడియో సినీ లవర్స్ విపరీతంగా ఎట్రాక్ట్ చేసుకుంది. 24 గంటల్లో కోటిపైగా హిట్స్ రావడంతో యూనిట్ ఫుల్‌ఖుషీ అయిపోయింది. ఇక సుషాంత్ యాక్షన్ అదిరిపోయిందని, కృతిసనన్ గత సినిమాల కంటే అన్నివిధాలుగా దూకుడు పెంచిందని అంటున్నారు. ఈ తరహా సినిమాలు బాలీవుడ్‌లో వచ్చినా పెద్దగా ఆకట్టుకోలేదు. మరి రబ్‌తా ఏం చేస్తుందో చూడాలి.