అలా చేస్తే చెప్పుతో కొడుతా.. ఆ రోజు బాగా ఏడ్చాను.. రకుల్ ప్రీత్ సింగ్

తెలుగు మాట్లాడలేక ఏడ్చాను..

తొలి తెలుగు సినిమాలో నటించేటప్పుడు తెలుగు రాదు. మొదటి రోజు షూటింగ్‌లో డైలాగులు చెప్పలేక ఏడ్చాను. గాలివాటున అవకాశాలు రావడం లేదు. నాకు లభిస్తున్న పాత్రల వెనుక నా హర్డ్ వర్క్ ఉంది. ప్రేక్షకులు ఆదరించినంత కాలం నటిస్తూనే ఉంటాను అని రకుల్ చెప్పింది.

సినీ నటులు అనే సరికి..

టాలీవుడ్‌లో డ్రగ్స్ వ్యవహారంపై కూడా రకుల్ స్పందించింది. సమాజంలో జరిగిన దొంగతనం గురించి మీకు తెలుసా అనే విధంగా విచారణ జరుగుతున్నదని ఆమె అన్నారు. డ్రగ్స్ కేసులో టాలీవుడ్ నటులకు సంబంధం లేదని ఆమె అన్నారు. సినీ నటులు అనే సరికి ఈ కేసుపై ప్రజలు ఆసక్తిని చూపిస్తున్నారని పేర్కొన్నారు.

ఎవరూ ప్రపోజ్ చేయలేదు..

చూడటానికి బాగానే ఉంటాను. అందంగా కనిపిస్తాను. కానీ ఇంతవరకు ఎవరూ ప్రపోజ్ చేయలేదు. ఒకరిద్దరు ప్రయత్నించినా వారికి వర్కవుట్ కాలేదు అని అఫైర్స్ గురించి రకుల్ చెప్పింది. తాను పెద్దలు కుదిర్చిన పెళ్లిని చేసుకోనని, ప్రేమ పెళ్లి చేసుకొంటానని ఆమె పెళ్లిపై స్పష్టం చేసింది. పురుషాధిక్యత సమాజంలో కొన్ని విషయాల్లో మహిళలు సర్దుకుపోక తప్పదని అన్నారు.

అలా చేస్తే చెప్పుతో కొడుతా..

నేను చేసుకోబోయే వ్యక్తికి సినిమాలు అంటే ఇష్టం ఉండాలి. మంచి హైట్ ఉండాలి. భోజన ప్రియుడై ఉండాలి. నువ్వు అలా ఉండాలి.. ఇలా ఉండాలి అంటే ఒప్పుకోనని రకుల్ చెప్పారు. నా జీవితంలో ఎవరైనా అడ్డంకులు సృష్టించాలని ప్రయత్నిస్తే వారిని చెప్పుతో కొడతాను అని రకుల్ చెప్పారు.