500 కోట్ల రాముడు రామ్ చరణా? పోస్టర్ మాత్రం కేక

అల్లు అర‌వింద్

టాలీవుడ్‌లో మ‌రో భారీ ప్రాజెక్టుకు అతి త్వ‌ర‌లో శ్రీ‌కారం చుట్ట‌బోతోంది. భార‌తీయ సినీ చ‌రిత్ర‌లో ఇప్ప‌టి వ‌ర‌కూ ఏ చిత్రానికీ పెట్ట‌నంత పెట్టుబ‌డితో ఏకంగా రూ.500 కోట్ల‌తో ఓ చిత్రం రూపొంద‌నుంది. అదీ మ‌న తెలుగులో. రామాయ‌ణ గాథ‌ని వెండి తెర‌పై ఆవిష్క‌రించ‌డానికి ఓ భారీ క‌స‌ర‌త్తు మొద‌లైంది. ఈ ప్రాజెక్టులో అల్లు అర‌వింద్, మ‌ధు మంతెన‌, న‌మిత్ మ‌ల్హోత్రా భాగ‌స్వాములు కాబోతున్నారు

రాముడి పాత్రలో ఎవరు

ఇందులో రాముడి పాత్రలో ఎవరు నటించబోతున్నారనే అంశం సర్వత్రా చర్చనీయాంశంగా మారింది. తాజా సమాచారం ప్రకారం ఈ సినిమాలో కథానాయకుడు రాముడి పాత్రలో రామ్‌చరణ్ నటించబోతున్నారని వార్తలు వినిపిస్తున్నాయి. మూడు భాషల్లోని అగ్ర నటులు ఈ సినిమాలో భాగం కానున్నారని, రాముడి పాత్ర కోసం రామ్‌చరణ్ పేరు ప్రముఖంగా వినిపిస్తున్నదని తెలుగు చిత్ర వర్గాలు చెబుతున్నాయి.

రామ్ చరణ్ ని రాముడిగా

ఈ వార్తలో నిజమెంతో తెలియాలంటే మరికొద్ది రోజులు వేచిచూడాల్సిందే. త్వరలో ఈ సినిమాకు సంబంధించిన ప్రధాన తారాగణం, సాంకేతిక నిపుణుల బృందాన్ని ప్రకటించబోతున్నారు. అక్టోబర్‌లో ఈ చిత్రాన్ని సెట్స్‌మీదుకు తెచ్చేందుకు సన్నాహాలు చేస్తున్నారు. ఇప్పుడు సినిమాకి సంబంధించి ఓ అభిమాని రామాయణం పోస్టర్ లో రామ్ చరణ్ ని రాముడిగా చిత్రించి. సోషల్‌ మీడియాలో వదిలేశాడు.

రామ్‌చరణ్‌ రాముడిగా

ఇందులో రామ్‌చరణ్‌, రాముడిగా కన్పిస్తున్నాడు. ఈ డిజైన్‌ సూపర్ గా వుంది. . ఏమాటకామాటే చెప్పుకోవాలి. డిజైన్‌ అదిరిపోయిందంతే. మొన్న 'ఉయ్యాలవాడ నరసింహారెడ్డి' డిజైన్‌ ఏ స్థాయిలో వుందో, అంతకు మించి ఈ 'రామాయణం' స్టిల్‌ వుంది. నిజంగా పోస్టర్ చేసిన ఆ అభిమానికి హ్యాట్సాఫ్ చెప్పాల్సిందే

ఉయ్యాలవాడ నరసింహారెడ్డి

మొన్నీమధ్యనే చిరంజీవి హీరోగా తెరకెక్కనున్న 'ఉయ్యాలవాడ నరసింహారెడ్డి' సినిమాకి సంబంధించి ఓ డిజైన్‌ వెలుగు చూసిన విషయం విదితమే అయితే, ఈ సినిమాకి సంబంధించి ఇంకా ఎలాంటి ప్రకటన లేకుండానే అప్పుడే అభిమానులు తమ ఊహలకు పని చెబుతున్నారు. ప్రస్తుతం చరణ్ , సుకుమార్ దర్శకత్వంలో ఓ సినిమా చేస్తున్న సంగతి తెలిసిందే.