Click it and Unblock the Notifications
నందమూరి హీరోకు రామ్ చరణ్ ప్రశంసలు!
ఫిల్మ్ నగర్ నుంచి వినిపిస్తున్న వార్తల ప్రకారం...తాజాగా మెగా పవర్ స్టార్ రామ్ చరణ్ కూడా 'ఓమ్' చిత్రానికి సంబంధించి కొన్ని రషెస్ చూసాడని, కళ్యాణ్ రామ్ ప్రయత్నాన్ని ప్రశంసించాడని, బాక్సాఫీసు వద్ద మంచి ఫలితాలను సాధిస్తుందనే నమ్మకం వ్యక్తం చేసినట్లు సమాచారం.
కళ్యాణ్ రామ్ ఈ సినిమాపై భారీ అశలు పెట్టుకోవడం తో పాటు, తన మార్కెట్ పరిధిని మించి పెట్టుబడి కూడా అధికంగా పెట్టాడు. ఈ సినిమా తన కెరీర్ను నిలబెడుతుందనే నమ్మకంతో ఉన్నాడు కళ్యాణ్. సినిమాకు పబ్లిసిటీ పెంచేందుకు రకరకాల పద్దతులను అవలంభిస్తున్నాడు.
కృతి కర్బందా, నికీషా పటేల్ హీరోయిన్స్. సునీల్రెడ్డి దర్శకత్వం వహిస్తున్న ఈ చిత్రాన్ని ఎన్టీఆర్ ఆర్ట్స్ బేనర్పై కళ్యాణ్ రామే నిర్మించారు. 3డిలో రూపొందిన 'ఓం' ఈ చిత్రానికి హాలీవుడ్ చిత్రాలైన స్టెప్ అప్ 3డి, ఫైనల్ డెస్టినేషన్, అవతార్, స్పైడర్ మ్యాన్ 4 లాంటి చిత్రాలకు పని చేసిన టెక్నీషన్స్ పనిచేసారు. ఆచు, సాయి కార్తీ సంగీతం అందించారు.
ఈ చిత్రంలో కార్తీక్, సురేష్, రావు రమేష్, రఘు, సితార తదితరులు నటించారు. కూర్పు: గౌతమ్రాజు, కళ: కిరణ్, స్టీరియోగ్రాఫర్స్: డేవిడ్ మైక్టేలర్, మార్కస్, మజ జ్డోవిన్స్కీ; ఫైట్స్: విజయ్, రవివర్మ; సంగీతం: అచ్చు, సాయికార్తీక్.
Continue with Google