హోమ్

న్యూస్

జీవితంలో పెద్ద పొజిషన్ కి వెళ్లే కొద్దీ ఏం మాట్లాడినా కాస్త ఆచితూచి మాట్లాడాలంటారు. మాటల్లో ఏమాత్రం తేడా వచ్చినా అందరూ ఉతికి ఆరేసేస్తారు. ఈమధ్య పెద్ద కళ్ళ కాజల్ పరిస్థితి కూడా అలాగే అయింది కాబోలు అయితే మీలో ప్రతిభ ఉంటే ఎదురుదెబ్బలు తాత్కాలికమే.. ఇది అక్షర సత్యమని నిరూపించింది కాజల్ అగర్వాల్. ప్రతిభావంతురాలైన ఈ హాట్ బ్యూటీ ఇటీవలి వరకూ బాక్స్ ఆఫీసు వద్ద తెలుగు సినిమా ఇండస్ట్రీని ఒక ఊపు ఊపింది. అయితే ఫోటోషూట్ వ్యవహారంలో వెల్లువెత్తిన ఆరోపణలను తిప్పికొట్టడంలో ఆమె కాస్త విఫలమవటంతో దీని ప్రభావం ఆమె కెరీర్ ను ప్రభావితం చేసింది.

ఇప్పటివరకూ ఆమెకు ప్రిన్స్ మహేష్ బాబు 'బిజినెస్ మ్యాన్" చిత్రం మాత్రమే చేతిలో ఉంది. కొంత కాలంగా కొత్త ప్రాజక్ట్ లు, బాక్స్ ఆఫీసు వద్ద విజయాలతో సమంత , తమన్నా, కాజల్ ను వెనక్కు నెట్టారు. అయితే తాజాగా శ్రుతి హసన్ డేట్స్ సర్దుబాటు కాక, యంగ్ టైగర్ ఎన్టీఆర్ 'దమ్ము" మూవీ నుంచి వైదొలగటంతో ఆ అవకాశం కాజల్ అంది పుచ్చుకొని మళ్లీ లైంలైట్ లోకి వచ్చింది. ఈ రిప్లేస్మెంట్ అవకాశం ఫై కాజల్ యమ కుషీగా ఉందంట.

అంతేకాదు. మెగా పవర్ స్టార్ రామ్ చరణ్ తేజ్ సినిమాలోనూ ఈ ముద్దుగుమ్మ తాజాగా సీటు సంపాదించుకుంది. ఈ మూవీ కి వివి వినాయక దర్శకత్వం వహిస్తున్నారు. డిసెంబరులో ఈ చిత్రం సెట్స్ మీదకు వెళ్ళే అవకాశాలు వున్నాయి. చరణ్ కు సరిపడే కథ ఇది. మాస్ అంశాలతో సాగుతుంది. వినాయక్ శైలిలో యాక్షన్ ఘట్టాలు వుంటాయని చిత్ర వర్గాలు చెబుతున్నాయి. దీంతో కాజల్ హవా మళ్లీ మొదలయినట్టు అనిపిస్తుంది. తెలుగు సినిమా ఇండస్ట్రీ లో అతిపెద్ద హీరోలయిన ఈ ముగ్గురితో రొమాన్స్ చేసేందుకు ఈ హాట్ బ్యూటీ సిద్ధంగా ఉంది. ఈ నేపధ్యంలో మళ్లీ తెలుగు తెరపై కాజల్ సందడి మొదలుకానుంది. ఈ దీపావళి ఆమె కోసం బంపర్ ఆఫర్ నే తెచ్చినట్టు కనిపిస్తోంది.