రామ్ చరణ్ కొత్త సినిమా లాంచ్,టైటిల్ మాత్రం అది కాదు

హైదరాబాద్: బ్రూస్ లీ చిత్రం పరాజయం తర్వాత రామ్ చరణ్ చాలా గ్యాప్ తీసుకున్నాడు. అక్టోబర్ లో ఈ సినిమా రిలీజ్ అయిన ఇప్పుడు ఏ సినిమా ప్రారంభించలేదు. అయితే తని ఒరువన్ రీమేక్ చేస్తున్నారంటూ వార్తలు వస్తున్నాయి. అయితే ఇవాళ రేపు అంటూ రోజులు గడుపుతూ వస్తున్నాయి. మొత్తానికి ఈ రోజు ఈ చిత్రాన్ని లాంచ్ చేసారు.

అందుతున్న సమాచారం ప్రకారం ఈ రోజు ఉదయం ఈ చిత్రం పూజ జరిగింది. గీతా ఆర్ట్స్ బ్యానర్ పై అల్లు అరవింద్ నిర్మిస్తున్న ఈ చిత్రాన్ని సురేంద్ర రెడ్డి డైరక్ట్ చేస్తున్నారు.

ఇక ఈ చిత్రానికి రక్షక్, ధృవ అనే టైటిల్స్ ప్రచారంలో ఉన్నాయి. వాటిని రామ్ చరణ్ కు చెందిన స్పోక్స్ పర్శన్ ఖండించారు. ఇప్పటివరకూ ఏ టైటిల్ ఫైనలైజ్ చేయలేదని అన్నారు. అంటే వారి దృష్టిలో వేరే టైటిల్ ఉందేమో చూడాలి. ఏదైమైనా ఇది రామ్ చరణ్ అభిమానులకు ఆనందం కలిగించే వార్తే.