ఇన్నేళ్లకు ఆ విషయం తెలిసింది.. ఇకపై నేనేంటో చూపిస్తా.. రామ్ కామెంట్స్ వైరల్

విడుదల తరువాత ఒక పెద్ద ట్విస్ట్‌..

RED సక్సెస్ సెలెబ్రేషన్స్‌లో రామ్ మాట్లాడుతూ... మేం చాలా ట్విస్టులతో ఒక సస్పెన్స్ థ్రిల్లర్ తీసాం. కానీ సినిమా లో ఉన్న ట్విస్టులకన్నా సినిమా విడుదల తరువాత ఒక పెద్ద ట్విస్ట్‌ని ఎక్స్ పీరియ‌న్స్ చేశాం. నిజానికి సినిమా రిలీజ్ టైమ్‌లో ఈ సినిమాను ఆడియ‌న్స్ ఎలా రిజీవ్ చేసుకుంటారు? వారి నుంచి రెస్పాన్స్ ఎలా ఉంటుంది? అని ఈగ‌ర్‌గా వెయిట్ చేశామని రామ్ అన్నాడు.

క‌లెక్ష‌న్లు అంత‌కంత‌కూ..

RED మార్నింగ్ షో కి వచ్చిన అభిప్రాయాలన్నీ సాయంత్రానికి మారిపోయాయి. ప్ర‌తి షో పూర్త‌యిన త‌ర్వాత మ‌రుస‌టి షోకి క‌లెక్ష‌న్లు అంత‌కంత‌కూ పెర‌గ‌సాగాయి. మా సస్పెన్స్ థ్రిల్లర్ ని థ్రిల్లింగ్ హిట్ చేస్తున్నందుకు అందరికీ ధన్యవాదాలని రామ్ ఎమోషనల్ అయ్యాడు.

మణిశర్మ మ్యూజిక్‌..

REDకి మేము అందరం చాలా కష్టపడ్డాం. ప్ర‌తి స‌న్నివేశాన్నీ ఇష్టపడి చేసాం. మా ప్ర‌య‌త్నాన్ని అందరూ ఇంతలా ఆదరిస్తున్నందుకు చాలా సంతోషంగా ఉంది. ఈ సినిమాని అద్భుతంగా రాసిన కిషోర్ తిరుమలకి ధన్యవాదాలు. అలాగే ఈ చిత్రానికి మణిశర్మ మ్యూజిక్‌తో మూల స్తంభంలా నిలుచున్నారు. ఆయనతో ఇస్మార్ట్ శంకర్ తరువాత ఇది మరో హిట్ కంబినేషన్‌. మా కాంబో మళ్ళీ రిపీట్ అవుతుందని రామ్ చెప్పుకొచ్చాడు.

కాంపిటీషన్ ఎవరు..

మాళ‌విక‌ను అంద‌రూ టాలీవుడ్ కి కొత్త క్రష్ అని పిలుస్తున్నారు . త‌ను చాలా అద్భుతంగా చేసిందీ చిత్రంలో. 15 సంవత్సరాల ముందు ఇదే సంక్రాంతికి దేవదాస్ సినిమాతో వచ్చా . పరిశ్రమలో ఇప్పటికీ చాలా మంది మీకు కాంపిటీషన్ ఎవరు అని అడుగుతుంటారని రామ్ పేర్కొన్నాడు

నేను ఏంటో చూపిస్తా..

15 సంవత్సరాల తరువాత నా కాంపిటీషన్ ఎవరనే విష‌యం అర్థం అయింది. అభిమానులుగా మీరు చూపించే ప్రేమ ఎక్కువా, నేను మీకు చూపించే ప్రేమ ఎక్కువా అన్నదాంట్లోనే మనకి పోటీ న‌డుస్తోందని రామ్ చెప్పుకొచ్చాడు. ఇకపై నేను ఏంటో చూపిస్తా.. మీరు చూపించే ప్రేమ ఎక్కువా?. లేదా తెరపై నేను చూపించే ప్రేమ ఎక్కువా? అని చూపిస్తాను అని రామ్ ఎమోషనల్ అయ్యాడు.