రాంగోపాల్ వర్మకు బాంబే కోర్టు షాక్.. గైర్హాజరుపై సీరియస్.. నాగ్ పరిస్థితేంటి!

వర్మపై వైటీ ఎంటర్‌టైన్‌మెంట్ పిటిషన్

తమకు వర్మ రూ.1.06 కోట్లు చెల్లించాలని వైటీ ఎంటర్‌టైన్‌మెంట్ లిమిటెడ్ తరుఫున బాంబే హైకోర్టులో పిటిషన్ దాఖలైంది. ఈ పిటిషన్‌ను ఎస్‌జే కథావాలా విచారించారు. చిత్ర హక్కులను, డిజిట్ రైట్స్, తదితర విషయాల్లో వర్మ ఎలాంటి నిర్ణయం తీసుకోవద్దని స్టే విధిస్తూ కోర్టు ఆదేశాలు జారీ చేసింది.

విచారణకు హాజరుకాని వర్మ

ఐటీ ఎంటర్‌టైన్‌మెంట్ దాఖలు చేసిన పిటిషన్‌పై మే 4న కోర్టు విచారణ జరిపింది. ఆ సందర్భంగా వర్మ తరుఫు న్యాయవాది విచారణకు హాజరయ్యారు. ఆ సందర్భంగా తన క్లయింట్ వర్మ మే 7న జరిగే విచారణకు హాజరవుతారని వెల్లడించారు.

గైర్హాజరుపై బాంబే కోర్టు సీరియస్

మే 7న జరిగిన విచారణకు వర్మ బదులుగా సహ నిర్మాత సుధీర్ చంద్ర పదిరి హాజరుకావడంపై కోర్టు సీరియస్ అయింది. ఈ విచారణకు హాజరుకావాల్సిందేనని కోర్టు అదే రోజు 5 గంటలకు విచారణను వాయిదా వేసింది. అలాగే ఒప్పంద పత్రంపై సంతకం చేయాలని సూచించింది. కోర్టు ఆదేశాలను బేఖాతరు చేస్తూ వర్మ హాజరుకాలేదు.

ఆఫీసర్ రిలీజ్ వాయిదా

ఈ నేపథ్యంలో రాంగోపాల్ వర్మ రూపొందించే చిత్ర విడుదల స్టే విధించింది. దాంతో తప్పనిసరి పరిస్థితుల్లో ఆఫీసర్ విడుదలను వాయిదా వేస్తూ వర్మ నిర్ణయం తీసుకొన్నారు. టెక్నికల్ సమస్యల వల్ల ఆఫీసర్ చిత్ర రిలీజ్‌ను జూన్ 1 తేదీకి వాయిదా వేశానని వర్మ ట్వీట్ చేయడం గమనార్హం.