స్టుపిడ్.. అంటూ.. హద్దు మీరిన వర్మ.. హెచ్చరించిన బిగ్ బీ..

బిగ్ బీతో వర్మ ఇంటర్వ్యూ..

మే 12 తేదీన సర్కార్3 సినిమా విడుదలకు సిద్ధమవుతున్నది. ఈ చిత్రంలో అమితాబ్ సుభాష్ నాగ్రే పాత్రను పోషిస్తున్నారు. ఈ చిత్రం ప్రమోషన్‌ను విభిన్నంగా చేపట్టేందుకు అమితాబ్‌తో వర్మ ఇంటర్వ్యూ ఒకటి ప్లాన్ చేశాడు. ఈ ఇంటర్వ్యూలో అమితాబ్‌ను వర్మ స్వయంగా ఇంటర్వ్యూ చేయడం విశేషం.

చిరాకు పడ్డ బిగ్ బీ..

ఇంటర్వ్యూలో భాగంగా బిగ్ బీని ఉద్దేశించి వర్మ మరో అమితాబ్ బచ్చన్ ఉంటాడని మీరు ఎప్పుడైనా అనుకొన్నారా? అని ప్రశ్న అడిగారు. అందుకు జవాబుగా ‘అలా ఎవరు అనుకొంటారు చెప్పండి' అని అమితాబ్ అన్నారు. ఆ తర్వాత .. ఆరు అడుగుల ఎత్తు కంటే తక్కువ ఉన్న వ్యక్తి అమితాబ్ అవుతాడా? అని వర్మ మరో ప్రశ్న అడగడంపై బిగ్ బీ చిరాకు పడ్డారు.

పిచ్చి ప్రశ్నలు అడుగకు..

వర్మ ప్రశ్నలపై అమితాబ్ అసహనం వ్యక్తం చేస్తూ ‘సారీ రామూ.. నీవు అడుగుతున్న ప్రశ్న చాలా పిచ్చి (స్టుపిడ్) ప్రశ్న అని అన్నారు. ఇలాంటి ప్రశ్నలు వారి మధ్య ఈ ఇంటర్వ్యూలో ఉన్నట్టు కనిపించాయి. ఈ ఇంటర్వ్యూ పూర్తి భాగం కోసం మే 8 తేదీ వరకు ఆగాల్సిందే.

బోర్‌గా ఫీలైన బిగ్ బీ..

అమితాబ్ చేసిన ఇంటర్వ్యూ సమయంలో అడిగిన ప్రశ్నలకు అమితాబ్ చాలా బోర్‌గా ఫీలయ్యాడని, అసహనం వ్యక్తం చేసినట్టు జాతీయ మీడియా ఛానెల్లు కథనాలు రాశాయి. ఈ ఇంటర్వ్యూ ముంబైలోని ప్రముఖ సినీ స్టూడియో మహబూబ్ సినీ స్టూడియోలో జరిగింది. బూజు పట్టిన స్టూడియోలో చాలా క్వాలిటీతో ఇంటర్వ్యూ చేసినట్టు ప్రోమోలో స్పష్టమైంది.

అనేక విషయాలు..

ఈ ఇంటర్వ్యూలో అమితాబ్ తన జీవితంలోని చాలా కీలక విషయాలను కూడా వెల్లడించినట్టు మరో ప్రమోలో కనిపించింది. దాదాపు మూడు ప్రోమోలను విడుదల చేసినట్టు సమాచారం. ఈ ప్రోమోలలో బాలీవుడ్‌కు సంబంధించిన పలు విషయాలు చర్చకు వచ్చినట్టు వారి మాటల్లో అర్థమైంది.

బిగ్ బీని ఇంటర్య్యూ చేసిన...

కాగా ఈ ఇంటర్యూపై రాంగోపాల్ వర్మ ట్విట్టర్‌లో స్పందించాడు. తొలిసారి జర్నలిస్టుగా మారాను. అమితాబ్‌ను ఇంటర్య్యూ చేసిన తొలి సినిమా డైరెక్టర్‌ను నేనే అని ట్వీట్ చేశారు. అలాగే కొన్ని కారణాల వల్ల ఆస్ట్రేలియాలో జరిగి ఐఫాలో సర్కార్ స్క్రీన్ రద్దు అయిందని వర్మ తెలిపారు.