జైల్లో సూరిని కలిసిన రామ్ గోపాల్ వర్మ

By Staff

| Published: Saturday, October 4, 2008, 16:38 [IST]

పరిటాల రవి జీవిత చరిత్రను బేస్ చేసుకని రామ్ గోపాల్ వర్మ నిర్మించతలపెట్టిన చిత్రం రక్త చరిత్ర . ఈ సినిమా తయారికి అవసరమైన కొన్ని వివరాల కోసం ఈ రోజు రవి హత్య కేసులో ప్రాధమిక అనుమానితుడుగా భావించపడుతున్న మద్దెలచెరువు సూర్యనారాయణ అలియాస్ సూరిని అనంతపురం జైల్లో వర్మ కలిసారు. అతనితో చాలా సేపు చర్చించారు. ఆ చర్చలో పరిటాల హత్యకు సంభందించిన అంశాలు, రాయలసీమ ఫ్యాక్షనిజం వంటివి చోటు చేసుకున్నాయని తెలుస్తోంది. ఈ మీటింగ్ నిమిత్తం వర్మ పోలీస్ హై అఫీషియల్స్ నుండి స్పెషల్ పర్మిషన్ తీసుకున్నారు.

ఇక ఈ సమావేశం అనంతరం పరిటాల రవి భార్య సునీతని ఆమె గ్రామంలోనే కలవనున్నారని తెలుస్తోంది. రాము ఆ ఏరియాలో పూర్తిగా ఓ టూర్ క్రింద తిరిగి రీసెర్చి చేసి సబ్జెక్టు రూపొందించటానికి సన్నాహాలు చేయబోతున్నారని అంతర్గతవర్గాల సమాచారం. అలాగే రక్త చరిత్ర సినిమాను ధర్మ,రక్ష అనే కవల సోదరులు డైరక్ట్ చేయబోతున్నారు. సత్య,కంపెనీ తరహాలో ఈ చిత్రాన్ని వాస్తవ సంఘటనల ఆధారంగా తీయాలని వర్మ భావిస్తున్నారు. ఇక పరిటాల హత్య కేసులో ప్రాధమిక నిందితుడుగా ఉన్న సూరి చాలా కాలంగా బెయిల్ కోసం ఎదురు చూస్తున్నారు.