రామూ ఏది చేసినా సంచలనమే-అలాగే రక్త చరిత్ర పార్ట్ 2

By Sindhu

| Published: Wednesday, October 13, 2010, 14:12 [IST]

సంచలన దర్శకుడు రామ్ గోపాల్ వర్మ దర్శకత్వంలో అనంతపురం ఫ్యాక్షన్ రాజకీయాలను తెరకెక్కిస్తున్న చిత్రం రక్తచరిత్ర.. ఈ చిత్రం ఇటివలే సెన్సార్ కార్యక్రమాల్ని పూర్తి చేసుకుని 'ఎ' సర్టిఫికేట్ ని సొంతం చేసుకుంది. సెన్సార్ సభ్యుల అభ్యంతరం మేరకు ఈ చిత్రంలోని అనంతపురం అనే పేరుని ఆనందపురంగా మార్చారు. ఈ చిత్రంలో వివేక్ ఒబెరాయ్, సూర్య, ప్రియమణి, రాధికా ఆప్టే, శత్రుఘ్నసిన్హా తదితరులు నటిస్తున్నారు. ఈ చిత్ర కధాంశం రెండు వర్గాల గురుంచి మాత్రమె కాదు కొన్ని వెల కుటుంబాల యదార్ధగాధ. దీని గురుంచి ఎంతో రీసెర్చ్ చేసి రాము తెరకేక్కిస్తున్నాడు. ఇలాంటి కధ మూడు గంటల్లో చెప్పేది కాదని రెండు భాగాలు గా నిర్మించారు దర్శకుడు రామ్ గోపాల్ వర్మ.

ఈ చిత్రాన్ని తెలుగు లో నిర్మిస్తున్న నిర్మాత సి.కళ్యాన్ మాట్లాడుతూ 'ఈ చిత్రం మొదటి భాగాన్ని అక్టోబర్ 21 న తెలుగులో అత్యంత గ్రాండ్ గా విడుదల చేస్తున్నాము. రాము గారు ఏది చేసినా అది సంచలనమే. శివతో చైన్ తెంపించినా ఇప్పుడు పంపు కింద కత్తి కడుగుతున్నా సంచలనమే. ఈ చిత్రం ఈ నెల 21 న ప్రేక్షకుల ముందుకు రానుంది. ఈ సందర్భంగా రామ్ గోపాల్ వర్మ తో పాటు ఈ చిత్రం యూనిట్ అంతా అనంతపురంలో మొదటి రోజు ప్రేక్షకుల మధ్యలో ఈ చిత్రాన్ని చూస్తున్నారు. ఎవ్వరినీ భాద పెట్టేవిధంగా కాకుండా అందరిని ఆలోచింప చేసే విధంగా ఈ ప్రాజెక్ట్ ని రాము గారు తన డ్రీమ్ ప్రాజెక్ట్ గా రూపొందించారు. తప్పక అందరిని ఆకట్టుకుని బిగ్గెస్ట్ హిట్ అవుతుంది అని అన్నారు.

ఇప్పటికే క్రేజీ ప్రాజెక్ట్ గా రూపొందిన ఈ చిత్రాన్ని తెలుగు లో ప్రముఖ నిర్మాతలు సి. కళ్యాణ్ సమర్పిస్తుండగా మధు మంతెన, వాసుదేవరెడ్డి, రాజ్ కుమార్ నిర్మాతలు. ఈ చిత్రం ఆడియో ఇటివలే విడుదలైంది. రామ్ గోపాల్ వర్మ స్వయంగా పాడిన కత్తులతో సావాసం అనే పాట ఆడియో కి హైలైట్ గా నిలవటమే కాక అందరిని ఆలోచింపచేసేవిధంగా వుంది. కాగా రక్తచరిత్ర పార్ట్-2 ని మాత్రం నవంబర్ లో విడుదల చేస్తున్నారు.