RED Pre Release Event.. కామెంట్ చూసి ఫోన్‌ను పగలగొట్టేశా.. రామ్ కామెంట్స్

రైటర్స్ అంటే ఇష్టం..

చిన్నప్పుడు పెదనాన్న గారు వచ్చి నువ్ నాకు నచ్చావ్ సినిమా సీన్స్, డైలాగ్స్ చెప్పాడు.. అప్పుడే సినిమా చూసేయాలన్నా కోరిక పుట్టింది.. అప్పుడే రైటర్స్ అన్నా, వారి ప్రభావం, పెన్ను పవర్ నాకు అర్థమైంది. అప్పటి నుంచేనాకు రైటర్స్ అంటే గౌరవం.. అది కూడా త్రివిక్రమ్ వల్లే అంటూ రామ్ చెప్పుకొచ్చాడు.

మాస్ సినిమా కూడా..

అందరూ ఈ సినిమాకు కిషోర్ తిరుమలను ఎందుకు తీసుకున్నారని అందరూ అడిగారు. కానీ నాకు కిషోర్ గురించి అంతా తెలుసు. ఆయనకు తెలియని విషయాలెన్నో నాకు తెలుసు.. ఆయన ఎలాంటి పాత్రలు అయినా ఎలాంటి క్యారెక్టర్ అయినా చూపించగలడు.. మాస్ సినిమా కూడా తీయగలరు.. అంటూ దర్శకుడి గురించి రామ్ చెప్పుకొచ్చాడు.

ఆయనే హీరో..

RED సినిమాకు మా పెదనాన్నే హీరో. ఈ లాక్డౌన్ మొత్తంలో ఆయన నాకు భజరంగీ భాయీజాన్ సినిమాలో పాపను చేతిని పట్టుకున్న సల్మాన్ ఖాన్‌లా కనిపించాడు. ఎన్ని ఓటీటీ ఆఫర్లు వచ్చినా కూడా సినిమాను థియేటర్‌లో రిలీజ్ చేస్తామని పట్టుబట్టారు.. అందుకే ఇప్పుడు ఇలా ఇక్కడి వరకు వచ్చింది.. లేదంటే సినిమా ఎప్పుడో ఓటీటీల్లో వచ్చేది.. అందుకే ఈ సినిమాకు ఆయనే హీరో అంటూ రామ్ చెప్పుకొచ్చాడు.

నా ఎనర్జీ మీరే..

నాకు ఎనర్జీ ఎక్కడి నుంచి వస్తుందని అందరూ అడుగుతుంటారు.. మీరు చేసే అల్లరి, వేసే ఈలలు కేకల్లోంచే నాకు ఎనర్జీ వస్తుంది.. మీరే నా ఎనర్జీ.. హలో గురు ప్రేమ కోసమే సినిమా టైంలో నాకు 104 డిగ్రీల జ్వరం వచ్చింది.. షూటింగ్ వద్దని అందరూ అంటున్నారంటూ నాటి సంఘనను గుర్తు చేసుకున్నాడు రామ్.

ఫోన్ పగలగొట్టాను..

కానీ నేను మాత్రం చేద్దామని సాంగ్ షూట్ కోసం రిహార్సల్స్ చేస్తున్నాను.. కానీ చేయలేకపోతున్నాను.. అలా కాసేపు పక్కన కూర్చొని ట్విట్టర్ ఓపెన్ చేశాను.. అందులో ఒకరు.. అన్నా డ్యాన్స్‌లు మాత్రం చించేయాలని అని పెట్టాడు. ఆ కామెంట్ చూసి ఫోన్ విసిరి పగలగొట్టేసి ఫుల్ ఎనర్జీతో డ్యాన్స్ చేసేశాను అంటూ రామ్ చెప్పుకొచ్చాడు.