ఆ కుర్ర హీరో కూడా తమన్నానే కావాలని పట్టుబట్టి..

'100% లవ్‌' సూపర్ హిట్ తో యూత్ లో తమన్నా కి ఉన్న క్రేజ్ అంతా ఇంతా కాదు. దాంతో ఆమె తమ ప్రక్కన నటిస్తే తమకూ ఓ రేంజి క్రేజ్ వస్తుందని హీరోలు భావిస్తున్నారు. రీసెంట్ గా రామ్ కూడా తన ప్రక్కన తమన్నా అయితే వెంటనే డేట్స్ ఇస్తానని లోపాయికారిగా ప్రకటించి ఆమెను సొంతం చేసుకున్నాడు. తొలిప్రేమ దర్శకుడు కరుణాకణన్ ఈ చిత్రాన్ని డైరక్ట్ చేయనున్నాడు. వచ్చే నెల నుండి షూటింగ్ మొదలవ్వనుంది.జీవి ప్రకాష్ సంగీతం అందిస్తున్న ఈ చిత్రం మంచి బడ్జెట్ తోనే రూపొందుతోంది. ప్రస్తుతం రామ్ 'కందిరీగ' షూటింగ్ లో ఉన్నారు. కరుణాకరన్‌ సినిమాతోపాటు గౌతమ్‌ మీనన్‌ దర్శకత్వంలోనూ నటించేందుకు రామ్ రెడీ అవుతున్నాడు.ఇక 'డార్లింగ్‌' తర్వాత కరుణాకరన్ డైరక్ట్ చేస్తున్న చిత్రం ఇదే.