మొగుడి కోసం రమ్య కృష్ణ ప్రత్యేక శ్రద్ధ

నిన్నటితరం హాట్ హీరోయిన్ రమ్య కృష్ణ క్రియేటివ్ డైరెక్టర్ కృష్ణ వంశీని పెళ్లి చేసుకుని సెటిలైన విషయం తెలిసిందే. ఒకప్పుడు భారీ హిట్లతో ఓ వూపుఊపిన కృష్ణవంశీ చాలా కాలంగా సరైన హిట్టులేక సతమతం అవుతున్నాడు. ఈసారైన మంచి సక్సెస్ సాధించాలనే గట్టి పట్టుదలతో ఉన్నాడు. ఈ నేపథ్యంలో మొగుడు కోరిక తీరడంలో తన వంతు పాత్ర పోషిస్తోంది రమ్యకృష్ణ. అటు ఇంటి పనులు చూసుకోవడమే కాకుండా మొగుడు తీస్తున్న సినిమా కోసం వర్కౌట్ ప్రారంభించింది.

కృష్ణవంశీ దర్శకత్వంలో యాక్షన్ హీరో గోపీచంద్, హాట్ అండ్ సెక్సీ తార తాప్సి జంటగా 'మొగుడు" సినిమా రూపొందుతోంది. అలకలు, అల్లర్లు, అందాలు, బంధాలు, భావాలు, భావోద్వేగాలు, సరసాలు, సంప్రదాయాలు కళ్లకు కట్టేలా తీయడంలో తనదైన ముద్ర వేసుకున్న ఆయన మరోసారి తన మార్కు సినిమాతో సెన్సేషన్ హిట్ కొట్టడానికి సాయశక్తులా ప్రయత్నిస్తున్నాడు.

ఇదిలా ఉంటే తన మొగుడి 'మొగుడు" సినిమాను భారీగా మార్గెటింగ్ చేయడానికి ప్రయత్నాలు మొదలు పెట్టిందట రమ్య కృష్ణ. మొగుడు సినిమాను భారీ ప్రింట్లతో విడుదల చేయడానికి ఆయా ఏరియాల డిస్ట్రిబ్యూటర్లను, బయ్యర్లతో ఇప్పటి నుంచే సంప్రదింపులు జరుపుతోంది. మరి మొగుడు కోసం రమ్యకృష్ణ పడుతున్న ఆరాటం ఎంత మేరకు సక్సెస్ అవుతుందో చూడాలి.