హోమ్

న్యూస్

హైదరాబాద్ : సినిమా ప్రియుల దృష్టి అంతా 'బాహుబలి-2' రిలీజ్ పై ఉన్న సంగతి తెలిసిందే. ఈ చిత్రం ఎప్పుడెప్పుడు రిలీజ్ అవుతుందా అని అంతా ఆసక్తిగా ఎదురుచూస్తున్నారు. ఈ నేపధ్యంలో ఈ చిత్రం రిలీజ్ డేట్ గురించి భలే మంచి రోజు ఆడియో స్టేజిపై రానా మాట్లాడారు. ఆయనేం అన్నారో క్రింద వీడియోలో చూడండి.

సుధీర్ బాబు హీరోగా నటించిన భలే మంచి రోజు ఆడియోకు గెస్ట్ గా వెళ్లిన రానా... బాహుబలి 2 చిత్రం 2016 లో కూడా రిలీజ్ కాకపోవచ్చు అన్నట్లు క్లూ ఇచ్చారు.

భారీ అంచనాల మధ్య విడుదలైన 'బాహుబలి' చిత్రం రికార్డు స్థాయిలో కలెక్షన్స్ రాబట్టి 100 రోజుల పండుగ ఈ మధ్యన జరుపుకున్న సంగతి తెలిసిందే. ఈ నేఫధ్యంలో ఈ చిత్రం సెకండ్ పార్ట్ గురించి అప్పుడే అంచనాలు మొదలయ్యాయి. అయితే ఇప్పటివరకూ ఈ సీక్వెల్ షూటింగ్ మొదలు కాలేదు. అయితే అందుతున్న సమాచారన్ని బట్టి...డిసెంబర్ 14 నుంచి రామోజీ ఫిల్మ్ సిటీలో షూటింగ్ మొదలుకానుందని తెలుస్తోంది. ఈ మేరకు ఆ తేదీ నుంచి ఆర్టిస్టుల డేట్స్ తీసుకున్నట్లు చెప్తున్నారు.

ఈ చిత్రం మొదట అనుకున్న తేదీన కాకుండా రెగ్యులర్ షూటింగ్ లేటు అవటానికి కారణం ..స్క్రిప్టు ఇంకా ఫైన్ ట్యూన్ చేయాలనే ఆలోచనే కారణం అని తెలుస్తోంది. రాత్రింబవళ్లు ఈ స్క్రిప్టు పైనే పనిచేసిన్నట్లు సమాచారం. మొదట జనవరి 8, 2016 న సంక్రాంతి కానుకగా చిత్రాన్ని విడుదల చేయాలని నిర్ణయించుకున్నారు..కానీ ఇప్పుడు మారిందని చెప్పుకుంటున్నారు.

'బాహుబలి' రెండో భాగానికి ''బాహుబలి - ది కంక్లూజన్‌' అనే టైటిల్ పెట్టారు. ఈ చిత్రంలో మొదటి భాగంలో ఉన్న సందేహాలు అన్నీ కంక్లూజన్ దొరుకుతుందనే ఈ టైటిల్ పెట్టనున్నట్లు తెలుస్తోంది. ఈ చిత్రం గురించి సినీ అభిమానులు ఎదురుచూస్తున్నారు.

'బాహుబలి 2' గురించి రానా మాట్లాడుతూ... ''బాహుబలి - ది కంక్లూజన్‌' వచ్చాక 'బాహుబలి - ది బిగినింగ్‌' చాలా చిన్నదిగా కనిపిస్తుంది. రెండో భాగంలో పోరాట సన్నివేశాలు, భావోద్వేగాలు, సెట్లు... ఇలా అన్నీ ఇంకా భారీగా ఉంటాయి''అన్నాడు రానా.