రవితేజ, కళ్యాణ్ రామ్ మధ్య పోటి... ఎవరు సక్సెస్ అవుతారో?

మాస్ మాహారాజ్ రవితేజ చేస్తున్న తాజా చిత్రం 'నేల టికెట్'. ఇటీవల విడుదలైన ఈ సినిమా పాటలకు మంచి స్పందన లభిస్తోంది. ఈ మూవీలో రవితేజ సరసన మాళవిక శర్మ హీరోయిన్ గా నటిస్తోంది. జగపతిబాబు పాత్ర ఈ సినిమాలో ప్రధానంగా ఉండబోతోందని సమాచారం. త్వరలో సెన్సార్ పూర్తి చేసుకోబోతున్న ఈ సినిమా మే 25న ప్రేక్షకుల ముందుకు రాబోతోంది.

రవితేజ నేల టికెట్ సినిమాతో పాటు కళ్యాణ్ రామ్నటించిన నా నువ్వే సినిమా మే 25నే విడుదల కాబోతోంది. లవ్ స్టోరిగా ప్రేక్షకుల ముందుకు రాబోతున్న ఈ సినిమా పాటలకు మంచి స్పందన లభిస్తోంది. బుధవారం విడుదల చేసిన ఈ సినిమా ట్రైలర్ బాగుంది. ప్యూర్ లవ్ స్టోరి గా ఈ సినిమా ప్రేక్షకుల ముందుకు రాబోతోంది. కళ్యాణ్ రామ్ ఈ సినిమాపై హోప్స్ పెట్టుకోవడం జరిగింది.

ఇప్పుడు ఉన్న పరిస్థితుల్లో రవితేజ, కళ్యాణ్ రామ్ ఇద్దరికి హిట్ కావాలి. మరి ఏ హీరో సినిమా విజయం సాధిస్తుందో చూడాలి. రెండు సినిమాలపై మంచి మంచి అభిప్రాయం ఉంది. నేల టికెట్ సినిమా కామెడి ఎంటర్టైనర్ గా ఫ్యామిలి ఆడియన్స్ ను అలరిస్తే.. నా నువ్వే సినిమా యూత్ ను అలరించవచ్చని తెలుస్తోంది.