ఆ హీరోతో నా ప్రేమ విఫలం.. ఇక ఆ జోలికి వెళ్లను.. తప్పు జరిగింది.. రెజీనా.

హీరోతో ప్రేమ...

అటు అందంతోను, నటనతోను దక్షిణాది ప్రేక్షకులను రెజీనా ఆకట్టుకొన్నది. ఓ హీరోతో వరుస చిత్రాల్లో నటించింది. అమెరికాలో ఓ చిత్ర షూటింగ్ సందర్భంగా సదరు హీరోతో ప్రేమలో పడిందనే వార్తలు మీడియాలో షికారు చేశాయి. వారి ప్రేమ పెళ్లిపీటల వరకు దారి తీసిందని చెప్పుకొన్నారు. ఆ హీరో మెగా హీరోల్లో ఒకరు అనే వార్త వైరల్ అయింది.

పెళ్లి ప్రతిపాదనకు నో...

సదరు హీరోతో పీకల్లోతు ప్రేమలో కూరుకుపోయిన రెజీనా.. పెళ్లి ప్రతిపాదనను తిరస్కరించిందట. కెరీర్ ఉన్నత స్థానంలో ఉన్నందున పెళ్లికి నో చెప్పినట్టు సమాచారం. ఆ మెగా హీరో మాత్రం పెళ్లి చేసుకోవాలనే ప్రయత్నంలో ఉన్నాడని, అంతేకాకుండా కుటుంబ సభ్యులను కూడా ఒప్పించినట్టు వార్తలు వెలువడ్డాయి.

కొన్ని తప్పులు జరిగిపోయాయి...

మీడియాలో వస్తున్న తన ప్రేమ, పెళ్లి వార్తలపై ఇటీవల రెజీనా స్పందించినట్టు ఓ పత్రిక పేర్కొన్నది. కెరీర్ ఆరంభంలోనే ప్రేమలో పడటం వల్ల తెలియకుండా కొన్ని తప్పులు జరిగిపోయాయి అని రెజీనా తెలిపినట్టు ఓ వార్త ఇంటర్నెట్‌లో ప్రచారం జరుగుతున్నది.

మత్తు నుంచి బయటపడ్డాను...

ప్రస్తుతం ప్రేమ మత్తు నుంచి బయటపడ్డాను. ఇకపై ప్రేమ, పెళ్లి అనే ఆలోచనలను వదిలేసి, కెరీర్‌పైనే పూర్తి స్థాయిలో దృష్టి సారిస్తాను అని చెప్పినట్టు ఆ వార్త కథనం సారాంశం. అయితే ఎవరితో ప్రేమలో పడ్డాను. ఎందుకు ప్రేమ విఫలమైంది అనే విషయాలను వెల్లడించడానికి నిరాకరించింది.