ఆ విషయం ఆయన్నే అడగండి: రేణు దేశాయ్ ఆసక్తికర సమాధానాలు!

Recommended Video

Pawan Kalyan Tweets About Renu Desai Second Marriage

ఆ విషయం ఆయన్నే అడగండి

మీ పెళ్లికి పవన్ కళ్యాణ్ వస్తారా? అన్న ప్రశ్నకు రేణు దేశాయ్ తనదైన రీతిలో స్పందించారు. ఆ విషయం ఆయన్నే అడగాలని, ఆయన కూడా సోషల్ మీడియాలో ఉన్నారు కదా అంటూ రేణు దేశాయ్ రిప్లై ఇచ్చారు.

మీ లాంటి వారికి భారత రత్న ఇవ్వాలి

మరో పెళ్లి చేసుకోబోతున్న నేపథ్యంలో రేణు దేశాయ్‌ను కొందరు అసంబద్ధమైన సమాధానాలతో విసిగిస్తున్నారు. పవన్ కళ్యాణ్ మళ్లీ కలిసుందామంటే తిరిగి వస్తారా? అనే ప్రశ్నకు ఆమె రియాక్ట్ అవుతూ ‘మీకు నిజంగా భారతరత్న ఇవ్వాలి' అంటూ సమాధానం ఇచ్చినట్లు సమాచారం.

నా పిల్లల గురించి మీకెందుకు? మీ పిల్లల సంగతి చూసుకోండి

నా పిల్లల గురించి మీరు బాధపడొద్దు. వాళ్లకు తల్లి, తండ్రి.. పెదనాన్న, నానమ్మ, పిన్ని, పెద్దమ్మ... చాలామంది ఉన్నారు. మీరు, అసలు టెన్షన్ పడొద్దు. మీరు, మీ పిల్లలను సంతోషంగా చూసుకుంటే చాలు... అంటూ ఓ ప్రశ్నకు రేణు దేశాయ్ సమాధానం ఇచ్చారు.

అకీరాకు యాక్టింగ్ ఇష్టం లేదట

పవన్ కళ్యాణ్ అభిమానులు అకీరాను జూనియర్ పవర్ స్టార్ అని పిలుస్తుండటంపై రేణు దేశాయ్ గతంలో అభ్యంతరం వ్యక్తం చేస్తూ అలా పిలిచిన వారిని బ్లాక్ చేస్తానంటూ వార్నింగ్ ఇచ్చిన సంగతి తెలిసిందే. అకీరా గురించి ఎదురైన మరో ప్రశ్నకు రేణు దేశాయ్ స్పందిస్తూ... ‘అకీరాకు యాక్టింగ్ ఇష్టం లేదు. అతడు సినిమాల్లోకి రావడం లేదు' అని సమాధానం ఇచ్చారు.

పర్సనల్ విషయాల్లో కలుగజేసుకోవద్దు

తాను మరో పెళ్లి చేసుకోవడంపై అభ్యంతరం వ్యక్తం చేస్తున్న వారికి రేణు దేశాయ్ దీటైన సమాధానాలు ఇస్తున్నారు. తన వ్యక్తి గత జీవితంలో కలుగు చేసుకోవడానికి మీరెవరంటూ కౌంటర్ ఎటాక్ చేస్తున్నారు. సెలబ్రిటీలు కూడా మనుషులే అని, వారికి వ్యక్తిగత జీవితం ఉంటుందని, వారికి నచ్చినట్లు జీవించడం వారి హక్కు అని రేణు దేశాయ్ చెబుతోంది.

రేణూ... పెళ్లిపై పవన్ కళ్యాణ్ సంతోషం

కాగా... రేణు దేశాయ్ మరో పెళ్లి చేసుకోవడంపై పవన్ కళ్యాణ్ సంతోషంగా ఉన్నారు. ఇటీవల నిశ్చితార్థం జరుపుకున్న ఆమెకు పవన్ కళ్యాణ్ ట్విట్టర్ ద్వారా విషెస్ తెలిపారు. రేణు దేశాయ్‌తో విడిపోయిన తర్వాత పవన్ కళ్యాణ్ మరో వివాహం చేసుకున్న సంగతి తెలిసిందే.