బహిరంగవాసి'గా వర్మ: 'అజ్ఞాతవాసి'పై సెటైర్.. పోస్టర్ వైరల్

'బహిరంగవాసి':

'అజ్ఞాతవాసి' సినిమాలోని ఓ పోస్టర్‌లో పవన్‌ ఫొటో ఉన్న స్థానంలో తన ఫొటోని చేర్చిన ఇమేజ్‌ను తాజాగా వర్మ ఫేస్‌బుక్‌లో పోస్ట్‌ చేశారు. ఈ పోస్టర్‌కి 'బహిరంగవాసి' అనే టైటిల్ పెట్టడం విశేషం.

క్షణాల్లో వైరల్:

ఈ పోస్టర్ వర్మ అభిమాని ఎవరైనా తయారు చేసి ఉండవచ్చు అని తెలుస్తోంది. 'బహిరంగవాసి' పేరుతో ఆయన షేర్ చేసిన ఫోటో క్షణాల్లోనే వైరల్ అయింది. కొద్దిసేపటికే లక్షల్లో లైక్స్ వచ్చాయి.

అడల్ట్ కంటెంట్‌తో:

ఆమధ్య 'ఎక్స్' పేరుతో షార్ట్ ఫిలిం చేస్తున్నట్లు ప్రకటించి దానికి సంబంధించిన బోల్డ్ పోస్టర్ తో వర్మ సంచలనం రేపిన సంగతి తెలిసిందే. మొన్నీమధ్యే కడప వెబ్ సిరీస్‌లో ఓ నటి చేత బూతులు పలికించి చాలామంది నోరెళ్లబెట్టేలా చేశాడు. చూస్తుంటే.. వర్మ అడల్ట్ కంటెంట్ పైనే ఎక్కువ ఫోకస్ పెట్టాడేమో అనిపిస్తోంది.

జీఎస్‌టీ:

ఇక వర్మ తాజాగా తెరకెక్కిస్తున్న ప్రాజెక్ట్ 'గాడ్, సెక్స్&ట్రూత్'. న్యూడ్ గా సోఫాలో కూర్చొన్న ఓ మహిళ పోస్టరును విడుదల చేసి వర్మ మరో సంచలనానికి తెరలేపాడు. త్వరలోనే టీజర్ విడుదల చేస్తానని కూడా ప్రకటించాడు.

పోస్టరే ఇంత బోల్డుగా ఉంటే ఇక టీజర్ ఇంకెంత బోల్డుగా ఉంటుందోనన్న చర్చ మొదలైంది. చూడాలి మరి.. వర్మ ఇంకెన్ని సిత్రాలు చూపించబోతున్నాడో?