వర్మ – మోహన్ బాబుల ‘రౌడీ’ ఫస్ట్ లుక్ (ఫోటోలు)

మోహన్ బాబు మాట్లాడుతూ...

రామ్‌గోపాల్ వర్మ దర్శకత్వంలో ఈ సినిమా చేస్తున్నాం. నా పోర్షన్ షూటింగ్ అయిపోయింది. విష్ణు పోర్షన్ నడుస్తోంది. అలాంటి డైరెక్టర్‌ని ఇంతదాకా నేను చూడలేదు. డైరెక్షన్ తప్ప అతనికి వేరే ధ్యాసే ఉండదు. విష్ణు కెరీర్‌లో బెస్ట్ సినిమాగా ఇస్తానని చెప్పాడు.

మోహన్ బాబు కంటిన్యూ చేస్తూ...

ఈ చిత్రంలో నేను, విష్ణు తండ్రీ కొడుకులుగా నటిస్తున్నాం. నేను, వర్మ కలిసి చేస్తున్నామంటే చాలా మందికి ఆశ్చర్యం కలుగుతోందని మాకు తెలుసు. కానీ ఎలాంటి ఇబ్బంది లేకుండా హ్యాపీగా సినిమా చేసుకుంటూ వెళ్తున్నాం అన్నారు.

సెంటిమెంట్ కూడా...

రౌడీ సెంటిమెంట్‌ మోహన్‌బాబుకి బాగా కలిసొచ్చింది. రౌడీగారి పెళ్లాం, అసెంబ్లీ రౌడీ, రౌడీ మొగుడు... ఇలా ఎక్కువ సార్లు వెండి తెరపై ఆయన రౌడీగానే కనిపించారు. ఇప్పుడు మరోసారి ఆ అవతారంలో వినోదం పంచబోతున్నారు.

మార్చిలో...

'అన్నగారు', 'ఒట్టు' అనే పేర్లు పరిశీలించారు. చివరికి 'రౌడీ'వైపే చిత్రబృందం మొగ్గుచూపించింది. షూటింగ్‌ దాదాపుగా పూర్తి కావచ్చింది. మార్చి నెలలో ప్రేక్షకుల ముందుకు తీసుకొచ్చే అవకాశం ఉంది.

సర్కార్ కాదు

ఈ చిత్రం సర్కార్ కి తెలుగు వెర్షన్ అంటూ మీడియాలో వార్తలు వస్తున్నాయి. వీటిని వర్మ ఖండిస్తూ వస్తున్నారు. అయితే అదే తరహా కథాంశమని చెప్పుకుంటున్నారు. ఇప్పుడీ ఫస్ట్ లుక్ ఫోస్టర్స్ కూడా సర్కార్ తరహా చిత్రమే అనే అనుమానం ధృవీకరిస్తున్నట్లుగా ఉన్నాయి.