వర్మ ‘26/11 ఇండియాపై దాడి’ని రిజెక్ట్ చేసిన UAE

‘ద అటాక్స్ ఆఫ్ 26/11' పేరుతో రూపొందుతున్న ఈచిత్రాన్ని తెలుగులో ‘26/11 ఇండియాపై దాడి' పేరుతో విడుదల చేయనున్నారు. ఈ చిత్రంలో ముంబై దాడుల సంఘటనలను కళ్లకు కట్టినట్లు చూపెట్టనున్నారు.

ఈ చిత్రంలో రామ్ గోపాల్ వర్మ స్వయంగా ఓ పాట పాడబోతున్నాడు. రచయిత భాస్కరభట్ల రాసిన ఈ పాట లిరిక్స్ ‘నెత్తుటి రుచి మరిగిందా?' అంటూ సాగుతుంది. ముంబై దాడుల ఘటనలకు అద్ధం పట్టేలా చాల పవర్ ఫుల్ గా ఈ పాట ఉంది.

ఈ చిత్రాన్ని ఇండస్ ఇన్‌స్పిరేషన్స్ పతాకంపై ఎఎస్ కాంతరావు నిర్మిస్తున్నారు. తక్కువ బడ్జెట్‌లో సినిమాలు పూర్తి చేసే రామ్ గోపాల్ వర్మ ఈ సినిమా కోసం దాదాపు రూ. 25 కోట్లు ఖర్చు పెట్టారు.

వర్మ మాట్లాడుతూ.... నేను భయపడటమంటే ఈ సినిమా బాగా వస్తుందా లేదా? ప్రేక్షకులకు నచ్చుతుందా అని కాదు. 26/11 దాడుల సమయంలో ప్రత్యక్షంగా అక్కడ ఉన్న పోలీసు అధికారులు, ఇతర బాధితులు నాతో పంచుకొన్న విషయాల్ని నేను సరిగ్గా ప్రేక్షకుల ముందుకు తీసుకురాగలుగుతానా లేదా? అనే భయంతో ఈ సినిమా చేశాను అన్నారు.

అలాగే ఈ దాడులను ప్రత్యక్షంగా చూసిన బాధితుల తాలూకు ఉద్వేగం చాలా విలువైనది. దాన్ని చెడగొట్టకుండా తెరపైకి తీసుకురావాలనుకొన్నాను. పది మంది పడవలో నుంచి దిగి రెండు కోట్ల జనాభా ఉన్న ముంబై నగరాన్ని గడగడలాడించడం మామూలు విషయం కాదు. నాలుగేళ్లయినా ఆ దాడుల్ని మనం మరిచిపోలేకపోతున్నాం. అక్కడ ఏం జరిగిందనే విషయం అందరికీ తెలుసు. కానీ ఎలా జరిగిందన్నదే తెలియదు. ఆ రోజు రాత్రి 9:30 గంటల నుంచి ఒంటిగంట వరకు ఏం జరిగిందనే విషయాల్ని కళ్లకు కట్టినట్టు చూపించే ప్రయత్నమే ఈ సినిమా అంటున్నారు వర్మ.

ఈ చిత్రాన్ని నిలిపి వేయాలంటూ న్యాయవాది తీగల రాంప్రసాద్ మంగళవారం దాఖలు చేసిన పీటషన్‌ను రాష్ట్ర హైకోర్టు విచారణకు స్వీకరించింది.

ఈ కేసులో ప్రతివాదులగా ఉన్న దర్శకుడు రామ్ గోపాల్ వర్మ, సెన్సార్ బోర్డుతో సహా మొత్తం 9 మందికి రాష్ట్ర హైకోర్టు బుధవారం నోటీసులు జారీ చేసింది. కేసు తదుపరి వచారణ మార్చి 5కి వాయిదా వేసింది. గతంలో న్యాయవాది రాంప్రసాద్ ఈ సినిమాను నిలిపి వేయాలని సెన్సార్ బోర్డును ఆశ్రయించగా, వారు తమ పరిధిలో లేదని చెప్పడంతో హైకోర్టుకెక్కారు.