కారు ప్రమాదంలో మిస్టర్ బీన్ మృతి.. సోషల్ మీడియాలో గందరగోళం..

ట్విట్టర్‌లో ఫేక్ న్యూస్..

ట్విట్టర్‌లో ఫేక్ న్యూస్ లీక్ కావడం, వెంటనే దానిని 3 లక్షల మంది లైక్ చేయడం జరిగింది. దాంతో ఆ ట్వీట్ సోషల్ మీడియాలో వైరల్‌గా మారింది. ఈ వార్తను ప్రముఖ పత్రిక సన్ కూడా బ్రేకింగ్ న్యూస్ వేయడంతో అంతా నిజమేనని భావించారు. మిస్టర్ బీన్ మృతిపై అభిమానుల నుంచి సంతాప సందేశాలు వెల్లువెత్తాయి. ఈ ట్వీట్‌కు మార్ఫింగ్ చేసిన వీడియో కూడా లింక్ చేయడం వివాదాస్పదమైంది.

చైనాలో మిస్టర్ బీన్ బిజీ

ఈ వార్త వైరల్‌గా మారుతున్న సమయంలో మిస్టర్ బీన్ చైనాలో తన సినిమా ప్రచారంలో బిజీగా ఉన్నారు. టాప్ ఫన్నీ కమెడియన్ పేరుతో రూపొందిన చిత్రం ప్రమోషన్ కార్యక్రమంలో పాలుపంచుకొంటున్నారు. ఈ చిత్రంలో మిస్టర్ బీన్ అతిథి పాత్రను పోషించారు. తాను చైనాలో ఉన్నట్టు ధ్రువీకరించే విధంగా కొన్ని వారసత్వ కట్టడాల వద్ద దిగిన ఫొటోను తన ఐఫోన్ ద్వారా సోషల్ మీడియాలో షేర్ చేశారు.

2016లో కూడా ఇలాంటి వార్తే..

2016లో కూడా మిస్టర్ బీన్ చనిపోయినట్టు ఫేక్ న్యూస్ వచ్చింది. శాన్ ఫ్రానిస్కోలోని తన ఇంటిలో అపస్మారక స్థితిలో పడి ఉన్నాడని సోషల్ మీడియాలో ఓ వార్త ప్రచారమైంది. వెంటనే ఆ వార్తకు పలువురు రిప్ రోవాన్ అట్కిన్‌సన్ అని సంతాపాన్ని తెలిపారు.

ఇలాంటి వార్తలు కొత్తేమీ కాదు

ఇంటర్నెట్‌లో ప్రముఖ మరణానికి సంబంధించి తప్పుడు వార్తలు రావడం ఇదే మొదటిసారి కాదు. గతంలో కూడా అమితాబ్ బచ్చన్, అర్నాల్డ్, జాకీ చాన్ చనిపోయారంటూ వార్తలు వచ్చాయి.