'S/O సత్యమూర్తి' ఆన్ లొకేషన్లో ఇలా... (ఫోటోస్)

అల్లు అర్జున్-త్రివిక్రమ్ కాంబినేషన్లో వచ్చిన గత సినిమా ‘జులాయి' మంచి విజయం సాధించడంతో ఈ చిత్రంపై భారీ అంచనాలు ఉన్నాయి.

ఈ చిత్రంలో బన్నీ ముగ్గురు హీరోయిన్లతో రొమాన్స్ చేయబోతున్నారు. సమంత, నిత్యామీనన్, అదాశర్మ హీరోయిన్సుగా నటిస్తున్నారు.

కన్నడ స్టార్ ఉపేంద్ర, రాజేంద్రప్రసాద్, స్నేహ కీలక పాత్రలు పోషిస్తున్నారు. ఇతర పాత్రల్లో సింధు తులాని, వెన్నెల కిషోర్, బ్రహ్మానందం, రావ్ రమేష్, ఎం.ఎస్.నారాయణ తదితరులు.

ఆర్ట్ - రవీందర్, కెమెరా - ప్రసాద్ మూరెళ్ల, మ్యూజిక్ - దేవిశ్రీ, ప్రసాద్, ఎగ్జిక్యూటివ్ ప్రొడ్యూసర్ -పి.డి.ప్రసాద్, నిర్మాత - రాధాకృష్ణ, స్టోరీ, స్క్రీన్ ప్లే, దర్శకత్వం - త్రివిక్రమ్.

ఇటీవల విడుదలై ఈ చిత్రం థియేట్రికల్ ట్రైలర్ ఫ్యామిలీ ప్రేక్షకుల్లో నమ్మకాన్ని పెంచింది. ఈ నేపథ్యంలో కలెక్షన్లు అదిరి పోతాయని భావిస్తున్నారు.

తాజాగా అందిన సమాచారం ప్రకారం దిల్ రాజు..ఈ చిత్రం నైజాం రైట్స్ ని సొంతం చేసుకున్నారు. ఈ హక్కులను 13కోట్లకు పైనే చెల్లించి సొంతం చేసుకున్నట్లు ట్రేడ్ వర్గాల సమాచారం.

ఇప్పటికే విడుదలైన ఆడియోకి కూడా అభిమానుల నుండి మంచి రెస్పాన్స్ వస్తోంది.

ట్రైలర్‌లో అల్లు అర్జున్ స్టైల్, త్రివిక్రమ్ మార్క్ మరియు సినిమా ఫ్యామిలీలను టార్గెట్ చేసారని తెలుస్తూండటంతో ఖచ్చితంగా ఘన విజయం సాధిస్తుందని భావిస్తున్నారు.

బన్నీ గత సినిమా రేసు గుర్రం భారీ విజయం సాధించింది. ఈ నేపథ్యంలో సినిమాపై భారీ అంచనాలు ఉన్నాయి.

సినిమా టైటిల్ కూడా సాఫ్టుగా ఉండటంతో ఫ్యామిలీ ప్రేక్షకులను ఆకర్షిస్తోంది.

ఈ చిత్రం ఏప్రిల్ 2న కానీ, ఏప్రిల్ 8న గానీ విడుదలయ్యే అవకాశం ఉంది.