జెమినీ టైపే నా మాజీ లవర్.. లేకపోతే సావిత్రిలానే నా జీవితం కూడా నాశనం..

నా మాజీ ప్రియుడు కూడా జెమినీ

నా జీవితంలో ఒకరితో సన్నిహితంగా మెదిలాను. నా మాజీ ప్రియుడు మహానటిలో జెమినీ గణేషన్ లాంటి వాడు. అతడి ప్రవర్తన ముందే కనిపెట్టి జాగ్రత్త పడ్డాను. లేకపోతే నేను పెద్ద ప్రమాదంలో పడేవాడిని అని సమంత వెల్లడించారు.

తీరని మానసిక క్షోభకు..

నా ప్రియుడి వ్యవహారం చాలా సందేహాత్మకంగా ఉండేది. సావిత్రి మాదిరిగా నేను చేసివుంటే నా జీవితంలో తీరని మానసిక క్షోభను అనుభవించేదానిని. నేను అతడి గురించి ముందుగానే జాగ్రత్త పడటం అదృష్టంగా భావిస్తాను. అతడితో తెగతెంపులు చేసుకోవడం నాకు మేలు జరిగింది అని సమంత పేర్కొన్నారు.

చైతూ అద్బుతమైన వ్యక్తి

నా జీవితంలో నాగచైతన్య ప్రవేశించడం దేవుడి వరంగా భావిస్తాను. చైతూ మంచి మనసు ఉన్న అద్బుతమైన వ్యక్తి అని సమంత ప్రశంసలతో ముంచెత్తారు. జెమినీ గణేషన్‌తో వివాహేతర సంబంధం పెట్టుకోవడం ద్వారా మహానటి సావిత్రి జీవితం నాశనమైన సంగతి తెలిసిందే.

హీరో సిద్దార్థ్‌తో డేటింగ్

సమంత తాజా ఇంటర్వ్యూలో తన మాజీ ప్రియుడి పేరు ఎత్తకపోవడంతో ఆయన ఎవరనే చర్చ సినీవర్గాల్లో మొదలైంది. గతంలో సిద్దార్థ్‌తో డేటింగ్ చేస్తున్నట్టు వార్తలు మీడియాలో షికారు చేశాయ. దాదాపు రెండున్నరేళ్లపాటు వారి మధ్య అఫైర్ సాగినట్టు తెలిసిందే. వారి మధ్య అభిప్రాయ భేదాలు తలెత్తడంతో వారి ప్రేమ పెళ్లి పీటల వద్దకు రాలేకపోయిందని చెప్పుకొంటారు.

సిద్ధార్థ్‌కు గుడ్‌బై అలా..

సమంతను పెళ్లి చేసుకోవడం సిద్ధార్థ్‌కు ఇష్టం లేదట. కానీ సమంత అతడిని మాత్రం వివాహం చేసుకోవాలనే కోరిక ఉండేదట. అయితే సమంత అంటే సిద్దార్థ్ చెప్పలేనంత ఇష్టం ఉండేదట. కొంత మేర అనుమానంగా చూడటం మొదలుపెట్టిన తర్వాత సిద్ధార్థ్‌కు గుడ్‌ బై చెప్పినట్టు ఇండియా టుడే వెబ్‌సైట్ ఈ కథనంలో పేర్కొన్నది.