ట్రెడిషనల్‌గా హీరోయిన్ సమీరారెడ్డి వివాహం (ఫోటోలు)

By Bojja Kumar

Published: Thursday, January 23, 2014, 13:09 [IST]

హైదరాబాద్: బాలీవుడ్ నటి సమీరారెడ్డి మీడియా కంట పడకుండా తన వివాహం జరుపుకుంది. ఈ నెల 21వ తేదీ సాయంత్రం వ్యాపార వేత్త అక్షయ్ వర్దేను ముంబయ్ లోని బాంద్రాలో సమీరా పెళ్లాడింది. అయితే పెళ్లయిన తర్వాత వివాహానికి సంబంధించిన ఫోటోలను మీడియాకు విడుదల చేసారు.

స్పెషల్ డిజైన్డ్ మోటార్ బైక్స్ తయారు చేసే వ్యాపారాన్ని నిర్వహించే అక్షయ్ వర్దేతో సమీరా డేటింగ్ చేస్తున్న విషయం తెలిసిందే. సమీరా, అక్షయ్‌ల నిశ్చితార్థం డిసెంబర్‌లో జరిగింది. వర్దేంచి పేరుతో అక్షయ్ తయారు చేసే మోటార్ బైక్స్ ను సమీరా ఇష్టంగా వినియోగించేది. వీరిద్దరి మధ్య ప్రేమ పుట్టడానికి మోటార్ బైక్ కారణమని సమీరా స్నేహితురాలు తెలిపింది. అక్షయ్ కుమార్ హీరోగా తెరకెక్కిన 'ఓ మై గాడ్' చిత్రం కోసం వీరి సంస్థ ప్రత్యేకంగా బైకును డిజైన్ చేసింది. వీరి వివాహ కార్యక్రమానికి కేవలం సన్నిహితులు, బంధువులు హాజరయ్యారు.

సమీరారెడ్డి మన తెలుగమ్మాయే. రాజమండ్రిలో జన్మించింది. ఆమె తండ్రిపేరు సి.పి.రెడ్డి. సమీరా చిన్నతనంలోనే వీరి ఫ్యామిలీ ముంబైకి షిప్టయింది. ముంబైలోనే పెరిగిన సమీరా మోడలింగ్ రంగంలో ప్రవేశించి ఆ తర్వాత సినిమాల్లోకి ఎంట్రీ ఇచ్చింది. స్లైడ్ షోలో వారి వివాహానికి సంబంధించిన ఫోటోలు....

సమీరా రెడ్డి, అక్షయ్ వర్ధే

సమీరా రెడ్డి, అక్షయ్ వర్దే సాంప్రదాయ బద్ధంగా వివాహ మాడారు. అందుకు సంబంధించిన దృశ్యాన్ని ఇక్కడ చూడొచ్చు.

ప్రేమ వివాహం

సమీరా రెడ్డి, అక్షయ్ వర్దేలది ప్రేమ వివాహం. గత కొంతకాలంగా ఇద్దరి మధ్య లవ్ ఎఫైర్ నడుస్తోంది. వర్దేంచి పేరుతో అక్షయ్ తయారు చేసే మోటార్ బైక్స్ ను సమీరా ఇష్టంగా వినియోగించేది. వీరిద్దరి మధ్య ప్రేమ పుట్టడానికి మోటార్ బైక్ కారణమని సమీరా స్నేహితురాలు తెలిపింది.