అకారణంగా తిడుతున్నారు: బాధతో సంపూ బహిరంగ లేఖ

అకారణంగా తిడుతున్నారు

‘నా మనసులో భావాలు ఇక్కడ చెప్తున్నాను. ఎక్కువ మంది బిగ్ బాస్‍‌లో నా నిష్క్రమణ తర్వాత నన్ను అర్థం చేసుకున్నారు. అయితే కొందరు అకారణంగా సోషల్ నెట్వర్కింగ్‌లో దూషించటం బాధ కలిగించింది' అని సంపూ తెలిపారు.

పిరికితనం కాదు, క్లాస్త్రోఫోబియా

‘బిగ్ బాస్ ఇంటి నుండి పిరికితనం వల్లో, మరో కారణం చేతనో రాలేదు. నేను బయటకు రావడానికి కారణం "క్లాస్త్రోఫోబియా". ఒక రూమ్‌లో బాధించబడినప్పుడు, ఒక రకమైన, అందునా పూర్తిగా నాకు స్పృహ లేని స్థితిలో, ఆర్థికంగా, చట్టపరంగా చర్యలు వుంటాయని తెలిసినా బిగ్ బాస్ నుంచి నిష్క్రమించటం జరిగింది' అని సంపూ తెలిపారు.

నా వృత్తికి లింక్ పెట్టొద్దు

‘ఇది కేవలం పిరికితనంతో చేసిందిగా భావించి, నేను నటించే నా వృత్తికి లింక్ పెట్టటం చాలా బాధ కలిగింది. దూషణలు నాకు కొత్త కాదు. నటించడం ఈ జన్మకు దొరికిన అదృష్టం. నేనెప్పుడూ సమాజానికి సేవ చేస్తూ మీతో కలిసి వుండాలని కోరుకుంటున్నాను' అని సంపూ వ్యాఖ్యానించారు.

పోలీస్ స్టేషన్లో కూడా ధైర్యం సడలలేదు

ఎన్నో కష్టాల్లో మీతో కలిసే వున్నాను, ఏపీ స్పెషల్ స్టేటస్ సమయంలో 10 గంటలు పోలీస్ స్టేషన్ లాకప్‌లో ఒంటరిగా గడిపినప్పుడు కూడా నా ధైర్యం సడలలేదు. కానీ మొదటిసారి మనసు బాధ కలిగింది.... అని సంపూ ఆవేదన వ్యక్తం చేశారు.

ఆ వార్తలో నిజం లేదు

నా పై ఎప్పటిలాగే ప్రేమ చూపించిన వెబ్ సైట్స్, టీవీ చానెల్స్ వారికి నా నమస్కారాలు. ఒకటి రెండు వెబ్సైట్‌లో రాసినట్టుగా, నాకు 15 లక్షల జరిమానా, ఆత్మహత్య ప్రయత్నం లాంటి అవాస్తవ వార్తలలో ఎటువంటి నిజం లేదని తెలియజేస్తున్నాను.

సదా మీ ప్రేమకు బానిస

ఇంతటి అవకాశం కల్పించిన స్టార్ టీవీ వారికి, బిగ్ బాస్ వారికి, నా నమస్సుమాంజలి. నటుడుగా మీతో ఎల్లప్పుడూ మీ ప్రేమకి పాత్రుడవ్వాలని ఎప్పుడు కోరుకునే

సదా మీ ప్రేమకి బానిస
మీ సంపూర్ణేష్ బాబు