Click it and Unblock the Notifications
జైలులో సంచులతో సంజయ్ దత్ తిప్పలు
సంజయ్ దత్కు శిక్షణ ఇచ్చే నిమిత్తం ప్రత్యేక అధికారిని ఏర్పాటు చేశారు. ఇందులో నైపుణ్యం సాధిస్తే సంజయ్ దత్కు రోజుకు రూ.25 నుంచి రూ.40 సంపాదిస్తారని జైలు సూపరింటెండెంట్ యోగేశ్ దేశాయ్ తెలిపారు. మొదట్లో జైలు వంటశాల పనిని ఆయనకు అప్పగించాలని అధికారులు భావించారు. భద్రతా కారణాల దృష్ట్యా మార్పులు చేశారు.
పేపర్ బైండింగ్, ఫైళ్ల తయారీ పనిని దత్ చేయాల్సి ఉంటుందని మరో అధికారి తెలిపారు. సంజయ్ దత్కు గత రెండు మూడు రోజులుగా ఇంటి ఆహారం రావడం లేదని అధికారులు తెలిపారు. అందుకే ప్రస్తుతం జైలు ఆహారమే అందజేస్తున్నామన్నారు. సంజయ్దత్ ఇంటి ఆహారం తీసుకునేందుకు టాడా కోర్టు అనుమతించిన విషయం విదితమే.
ఇత సంజూ దాదా గత నెల 16వ తేది నుండి జైలు జీవితం గడుపుతున్నాడు. ఇతను ప్రస్తుతం పుణేలోని ఎరవాడ జైలులో ఉన్నాడు. జైలులో ఉన్న సంజయ్ తన జైలు అనుభవాలను పొందుపర్చి మాన్యతకు రోజుకో లేఖను పంపిస్తున్నాడు. దానికి మాన్యత కూడా మరుసటి రోజు సమాధానం ఇస్తూ మరో లేఖను రాస్తున్నారట.
కాగా, 1993 అల్లర్ల కేసులో అరెస్టై పుణేలోని ఎరవాడ జైలులో ఉన్న బాలీవుడ్ నటుడు సంజయ్ దత్కు అధికారులు 16656 నంబరు కేటాయించిన విషయం తెలిసిందే. ఆయన ఎరవాడ జైలుకు రావడం ఇది మూడోసారి. ఆయనను మూడో నంబరు గదిలో ఉంచారు. ఆయన బ్యారక్ చుట్టూ చాలా చెట్లతో ప్రశాంతమైన వాతావరణం ఉంటుందని జైలు అధికారులు చెప్పారు.
Continue with Google