దీపిక అంగాంగ ప్రదర్శనపై సంజయ్ లీలా భన్సాలీ ఫైర్.. పద్మావతి కొంపముంచేస్తావా..

వివాదాస్పదమైన దీపిక ఫొటోషూట్

బాలీవుడ్, హాలీవుడ్‌లో హవా కొనసాగుతున్న తరణంలో ఇటీవల దీపిక పదుకొనే చేసిన ఫొటోషూట్‌పై మిశ్రమ స్పందన వ్యక్తమైంది. కొందరు ఇదేంటి ఇంత దిగజారుడుతనామా అంటే.. దీపిక గ్లామర్ అదుర్స్ అంటూ మరికొంత మంది పండుగ చేసుకొన్నారు. అయితే ఆమె ధరించిన దుస్తుల తీరు మాత్రం మీడియాలో వివాదాస్పదమైంది.

పద్మావతిపై ప్రతికూల ప్రభావం

ఇదిలా ఉండగా, దీపిక తీరు డైరెక్టర్ సంజయ్ లీలా భన్సాలీని మనస్తాపానికి గురిచేసిందట. ప్రతిష్ఠాత్మకంగా రూపొందిస్తున్న పద్మావతి చిత్రంపై దీపిక చేసిన ఫోటోషూట్ ప్రతికూల ప్రభావం పడుతుందా అనే అనుమానాన్ని ఆయన వ్యక్తం చేశారట. ఎందుకంటే పద్మావతి చిత్రంలో అత్యంత సాంప్రదాయరీతిలో సాగే పాత్ర దీపికది. అలాంటి నేపథ్యంలో అర్ధనగ్న దుస్తుల్లో దీపిక కనిపించడం వల్ల సినిమాపై ప్రభావం పడుతుందా అనే భయం ఆయనను వెంటాడుతున్నదట.

ఇప్పటికే వివాదంలో..

ఇప్పటికే పద్మావతి చిత్రం అనేక వివాదాల్లో చిక్కుకున్నది. చరిత్రను వక్రీకరించే విధంగా సినిమాను రూపొందిస్తున్నారనే ఆరోపణలు సంజయ్ లీలా భన్సాలీపై గుప్పిస్తున్నారు. కొన్ని హిందూ సంస్థలు రాజస్థాన్‌లో షూటింగ్ స్పాట్‌పై దాడి చేశారు. డైరెక్టర్ సంజయ్ లీలా భన్సాలీని కూడా గాయపర్చడం సంచలనం రేపింది.

మనస్తాపానికి గురైన భన్సాలీ

ఇలాంటి వివాదాల నడుమ దీపిక తీరుపై సంజయ్ లీలా భన్సాలీ మనస్తాపానికి గురయ్యాడట. పద్మావతి చిత్రంలో రాణి పాత్రలో కనిపించే దీపిక అర్థనగ్నంగా కనిపిస్తే బాగుంటుందా అనే అభిప్రాయాన్ని సంజయ్ లీలా భన్సాలీ వ్యక్తం చేసినట్టు జాతీయ మీడియా కథనాన్ని ప్రచురించింది. అలాంటి ఫొటోల వల్ల ప్రజలు తప్పుగా ఆలోచించే ప్రమాదముందని, రాణి పాత్రలో ఉండే రాజసం దిగజారే ముప్పు ఉంటుందనే భయాన్ని ఆయన వ్యక్తం చేసినట్టు కథనంలో పేర్కొన్నారు.

భన్సాలీతో ఇది మూడోసారి

సంజయ్ లీలా భన్సాలీ దర్శకత్వంలో దీపిక పదుకొనే నటించడం ఇది మూడోసారి. గతంలో రామ్ లీలా, తదితర చిత్రాల్లో నటించింది. తాజాగా పద్మావతి చిత్రంలో రాణి పాత్రను పోషిస్తున్నది. రణ్‌వీర్ సింగ్, షాహీద్ కపూర్ నటిస్తున్న ఈ చిత్రం నవంబర్ 17వ తేదీన విడుదలకు సిద్ధమవుతున్నది.