Sarileru Neekevvaru Pre Release: అమ్మతోడు సినిమాలు తప్పా ఇంకేమీ చేయను.. బ్లేడ్ గణేష్ అని పిలవకండి

నిలువెత్తు నిదర్శనం..

బండ్ల గణేష్ మాట్లాడుతూ..‘మెగాస్టార్ సంస్కారానికి నిలువెత్తు నిదర్శనం. ప్రపంచంలో ఎవరైనా, ఏ మనిషైనా, నేను, నా కొడుకు, నా వాళ్లు బాగుండాలని కోరుకుంటారు. అది సర్వసాధారణం. కానీ మెగాస్టార్ చిరంజీవి మాత్రం ఓ సూపర్ స్టార్ సినిమా బాగుండాలని, రికార్డులు క్రియేట్ చేయాలిన ఆశీర్వదించడానికి వచ్చిన మెగాస్టార్ సంస్కారానికి నా పాదాభివందనం.

అన్నదమ్ములుగా నటించాలి..

ఆయనకు వయసు 43..ఇంకా అరవై యేళ్లు వచ్చేవరకు నటించాలి. వారిద్దరు అలా కూర్చుంటే.. సీతమ్మ వాకిట్లో సిరిమల్లె చెట్టు సినిమా చూసినట్టు అనిపిస్తుంది. మీరిద్దరు కలిసి అన్నదమ్ముల పాత్రను చేయండి. ఆయన మళ్లీ నటించాలని నేను మొక్కని దేవుడు లేడు. అయితే నన్ను మరిచి పోయాడు.. ఆయన కొడుక్కే సినిమాలు చేస్తున్నాడు.

250 కోట్లు కలెక్ట్ చేయాలి..

ఈ చిత్రం ఇండస్ట్రీలో నంబర్ వన్ అవుతుంది. అనిల్ రావిపూడి లాంటి దర్శకుడు ఈ చిత్రాన్ని 250కోట్లు కొల్లగొట్టేలా తీశాడు. అన్ని రికార్డులు బద్దలు కొట్టాలి.. కొడుతుంది. ఇక్కడకు వచ్చిన మా అన్న, దైవం, మెగాస్టార్ చిరంజీవి గారికి పాదాభివందనం.

బ్లేడ్ గణేష్ అనొద్దు.. అమ్మతోడు..

ఇక నుంచి నన్ను బ్లేడ్ గణేష్ అనొద్దు.. బండ్ల గణేష్ అని పిలవండి. అందరూ యెర్రి డ్యాష్ అని పిలుస్తున్నారు.. కాబట్టి ఇక్కడే ఉండాలని అనుకుంటున్నాను.. అమ్మతోడు ఇక సినిమాలు తప్పా ఇంకేమీ చేయను. ముప్పై యేళ్లు ఉన్నాను.. ఇంకో ముప్పై యేళ్లు ఇక్కడే ఉంటాను. అమ్మతోడు సినిమాలు తప్పా ఇంకేమీ చేయను. నాకు ఇంకేమీ సంబంధం లేదు. ఇంకా వేరే ఏ పని చేయన'ని చెప్పుకొచ్చాడు.