జనవరి 11న చిరంజీవి నుంచి.. ఆయనే నాకు స్ఫూర్తి: మహేష్ బాబు కామెంట్స్

మెగాస్టార్, సూపర్ స్టార్ భారీ కటౌట్లు

ఎల్బీ స్టేడియం లోపల, ఆ ప్రాంగణం చుట్టూ మెగాస్టార్, సూపర్ స్టార్ భారీ కటౌట్లను ఏర్పాటు చేశారు. అయితే అభిమానుల తాకిడి కూడా ఎక్కువయ్యే అవకాశముందనుకున్న పోలీసులు ట్రాఫిక్ ఆంక్షలు జారీ చేశారు. ఆ రూట్‌లకు బదులుగా ప్రత్యామ్నాయ మార్గాలను సూచించారు. ట్రాఫిక్ ఇబ్బందులు తలెత్తకుండా ముందుగానే జాగ్రత్తలు తీసుకున్నారు. నేటి ఉదయం నుంచే అభిమానుల తాకిడి ఎక్కువ కావడంతో అక్కడి ప్రాంగణమంతా సందడిగా మారింది.

నిజంగా ఒక మిరాకిల్ డే అంటూ మహేష్ బాబు

ఈ సందర్బంగా వేదికపై మహేష్ బాబు మాట్లాడుతూ.. అందరికీ నమస్కారం. ఇవాళ నిజంగా ఒక మిరాకిల్ డే అని చెప్పుకోవచ్చు. ఈ రోజు ఉదయం లేవగానే అనిల్ రావిపూడి కొడుకు పుట్టాడని తెలియడం, మా దిల్ రాజు రెండోసారి గ్రాండ్ ఫాదర్ కావడం మిరాకిల్. మెగాస్టార్ చిరంజీవిగారు పిలవగానే మీరు వచ్చినందుకు స్పెషల్ థాంక్స్. సరిలేరు టీం ఎప్పటికీ మిమ్మల్ని గుర్తుపెట్టుకుంటుంది.

నా ఒక్కడు సినిమా చూసి చిరంజీవి

చిరంజీవి గారు నా ఒక్కడు సినిమా చూసి నాకు ఫోన్ చేసి మాట్లాడటం, అర్జున్ సినిమా సమయంలో సెట్ లోకి వచ్చి నాతో మాట్లాడటం.. ఆయన చెప్పిన మాటలు ఎప్పటికీ మరువలేను. ఆయనే నాకు స్ఫూర్తి. నా సినిమా రిలీజ్ రోజు ఫస్ట్ ఫోన్ కాల్ చిరంజీవి దగ్గరి నుంచే వస్తుంది. జనవరి 11న కూడా మీ నుంచే కాల్ రావాలని కోరుకుంటున్నా సార్.

అన్ని రోజులు ఫుల్లుగా ఎంజాయ్ చేసాం

విజయశాంతి గారు నన్ను ఎక్కువగా పొగిడేశారు. అప్పట్లో మీతో కొడుకు దిద్దిన కాపురం సినిమా చేశాను. అప్పుడేదైతే ఆమెలో డెడికేషన్ చూశానో ఇప్పుడు కూడా అదే చూశాను. మేము కాదు మీకు ఛాన్స్ ఇచ్చింది.. మీరు మాకు ఛాన్స్ ఇచ్చారు. ఇక డైరెక్టర్ అనిల్ రావిపూడితో పని చేసిన అన్ని రోజులు ఫుల్లుగా ఎంజాయ్ చేసాం అంటూ ఈ సందర్బంగా అందరికీ కృతజ్ఞతలు చెప్పారు మహేష్ బాబు.