హోమ్

న్యూస్

దక్షిణాది చిత్ర పరిశ్రమలో విలక్షణ నటిగా పేరొందిన సీనియర్ నటి జయంతి చనిపోయినట్లు వార్తలు వచ్చాయి. అయితే జయంతి చనిపోయినట్లు వస్తున్న వార్తల్లో నిజం లేదని, ఆమె చికిత్సకు స్పందిస్తున్నారని బంధువులు తెలిపారు.గత కొద్దిరోజులుగా ఆమె అస్తమాతో బాధపడుతున్నారు.

జయంతి కన్నడ, తెలుగు, తమిళ, మలయాళం, హిందీ, మరాఠీ చిత్రాల్లో నటించి ప్రేక్షకులను మెప్పించారు.

తెలుగులో జగదేకవీరునికథ, డాక్టర్‌ చక్రవర్తి, బొబ్బిలి యుద్ధం, కొండవీటి సింహం, జస్టిస్‌ చౌదరి, రక్త సంబంధం, భక్త ప్రహ్లాద, బడిపంతులు, దేవదాసు, కొదమ సింహం, స్వాతి కిరణం, పెదరాయుడు లాంటి చిత్రాల్లో జయంతి నటించారు. పలు భాషల్లో 500 చిత్రాలకు పైగా నటించారు. జయంతి ఉత్తమ నటిగా రెండుసార్లు కర్ణాటక ఫిలిం ఫేర్‌ అవార్డులు అందుకున్నారు.